7 涂毒经

[佛陀]住在舍卫城......"比丘们，利养、恭敬和名声是可怕的...为了证悟。比丘们，就像被涂毒的箭射中一样，让利养、恭敬和名声不要降临到尚未达到目标的学人身上。"

"比丘们，'箭'是利养、恭敬和名声的代称。比丘们，利养、恭敬和名声确实如此可怕...比丘们，你们应当如此修学。"

8 豺狼经

[佛陀]住在舍卫城......"比丘们，利养、恭敬和名声是可怕的...比丘们，你们有没有听到深夜时分老豺狼的嚎叫？""是的，世尊。""比丘们，那只老豺狼患了一种叫做疥癣的病，它既不安于洞中，不安于树下，也不安于露地；无论它去到哪里，站在哪里，坐在哪里，躺在哪里，都会遭遇不幸和灾难。同样地，比丘们，某些比丘被利养、恭敬和名声所征服，心被占据，既不安于空屋，不安于树下，也不安于露地；无论他去到哪里，站在哪里，坐在哪里，躺在哪里，都会遭遇不幸和灾难。比丘们，利养、恭敬和名声确实如此可怕...比丘们，你们应当如此修学。"

9 旋风经

[佛陀]住在舍卫城......"比丘们，利养、恭敬和名声是可怕的...在高空中，有名为'旋风'的强风吹拂。若有鸟飞到那里，会被旋风吹散，被风吹散的鸟，脚往一处飞，翅膀往另一处飞，头往一处飞，身体往另一处飞。同样地，比丘们，某些比丘被利养、恭敬和名声所征服，心被占据，清晨着衣持钵，进入村落或城镇托钵，不护身、不护语、不护心，失念现前，诸根不摄。他在那里看见衣着不整的女人。看见衣着不整的女人后，贪欲扰乱其心。心为贪欲所扰，他放弃学处而还俗。有人拿走他的衣服，有人拿走他的钵，有人拿走他的坐具，有人拿走他的针袋，就像那被旋风吹散的鸟一样。比丘们，利养、恭敬和名声确实如此可怕...比丘们，你们应当如此修学。"

10 有偈经

[佛陀]住在舍卫城......"比丘们，利养、恭敬和名声是可怕的...比丘们，我在此见到某些人被恭敬所征服，心被占据，身坏命终后，堕入恶道、苦趣、堕处、地狱。比丘们，我又见到某些人被轻视所征服，心被占据，身坏命终后，堕入恶道、苦趣、堕处、地狱。比丘们，我又见到某些人同时被恭敬和轻视两者所征服，心被占据，身坏命终后，堕入恶道、苦趣、堕处、地狱。比丘们，利养、恭敬和名声确实如此可怕...比丘们，你们应当如此修学。"

世尊说此语已。善逝说此后，导师又说此偈：

"无论受到恭敬，或是遭受轻视，

心住无量定，两者不能动。

精进常修禅，善观微妙法，

乐于灭执取，是谓真善士。"

第一品完

其摄颂：

可怕与钓钩、龟、长毛与粪，

雷电、涂毒箭、豺狼与旋风，

最后有偈颂。

第二品

11 金钵经

[佛陀]住在舍卫城......"比丘们，利养、恭敬和名声是可怕的...比丘们，我以心观察某人之心，知道：'这位尊者即使为了装满银粉的金钵，也不会故意妄语。'然而后来我见到他被利养、恭敬和名声所征服，心被占据，而说故意妄语。比丘们，利养、恭敬和名声确实如此可怕...比丘们，你们应当如此修学。"

12 银钵经

[佛陀]住在舍卫城......"比丘们，利养、恭敬和名声是可怕的...比丘们，我以心观察某人之心，知道：'这位尊者即使为了装满金粉的银钵，也不会故意妄语。'然而后来我见到他被利养、恭敬和名声所征服，心被占据，而说故意妄语。比丘们，利养、恭敬和名声确实如此可怕...比丘们，你们应当如此修学。"

13-20 金块等八经

[佛陀]住在舍卫城......"比丘们，我以心观察某人之心，知道：'这位尊者即使为了一块金...乃至百块金...一块纯金...百块纯金...满地的黄金...任何物质利益...生命...乃至为了最美丽的少女，也不会故意妄语。'然而后来我见到他被利养、恭敬和名声所征服，心被占据，而说故意妄语。比丘们，利养、恭敬和名声确实如此可怕...比丘们，你们应当如此修学。"

第二品完

其摄颂：

两种钵与两种金，

又有两种纯金块，

大地及些微利益、生命，

最后美女为第十。

第三品

21 女人经

[佛陀]住在舍卫城......"比丘们，利养、恭敬和名声是可怕的...比丘们，对于那些心被利养、恭敬和名声所占据的人来说，即便是独处时的女人也不能如此占据他的心。比丘们，利养、恭敬和名声确实如此可怕...比丘们，你们应当如此修学。"

巴利语原版经文

7/(7). Diddhasuttaṃ

　　 163. Sāvatthiyaṃ viharati …pe… “dāruṇo bhikkhave, lābhasakkārasiloko …pe… adhigamāya. Kaṃ, bhikkhave, diddhagatena visallena sallena. Vijjhatu, sekhaṃ appattamānasaṃ lābhasakkārasiloko anupāpuṇātu”.

　　 “Sallanti kho, bhikkhave, lābhasakkārasilokassetaṃ adhivacanaṃ. Evaṃ dāruṇo kho, bhikkhave, lābhasakkārasiloko …pe… evañhi vo, bhikkhave, sikkhitabban”ti. Sattamaṃ.

8/(8). Siṅgālasuttaṃ

　　 164. Sāvatthiyaṃ viharati …pe… “dāruṇo, bhikkhave, lābhasakkārasiloko …pe… adhigamāya. Assuttha no tumhe, bhikkhave, rattiyā paccūsasamayaṃ jarasiṅgālassa vassamānassā”ti? “Evaṃ, bhante”. “Eso kho, bhikkhave, jarasiṅgālo ukkaṇḍakena nāma rogajātena phuṭṭho neva bilagato ramati, na rukkhamūlagato ramati, na ajjhokāsagato ramati; yena yena gacchati, yattha yattha tiṭṭhati, yattha yattha nisīdati, yattha yattha nipajjati; tattha tattha anayabyasanaṃ āpajjati. Evameva kho, bhikkhave, idhekacco bhikkhu lābhasakkārasilokena abhibhūto pariyādiṇṇacitto neva suññāgāragato ramati, na rukkhamūlagato ramati, na ajjhokāsagato ramati; yena yena gacchati, yattha yattha tiṭṭhati, yattha yattha nisīdati, yattha yattha nipajjati; tattha tattha anayabyasanaṃ āpajjati. Evaṃ dāruṇo kho, bhikkhave, lābhasakkārasiloko …pe… evañhi vo, bhikkhave, sikkhitabban”ti. Aṭṭhamaṃ.

9/(9). Verambhasuttaṃ

　　 165. Sāvatthiyaṃ viharati …pe… “dāruṇo, bhikkhave, lābhasakkārasiloko …pe… adhigamāya. Upari, bhikkhave, ākāse verambhā nāma vātā vāyanti. Tattha yo pakkhī gacchati tamenaṃ verambhā vātā khipanti. Tassa verambhavātakkhittassa aññeneva pādā gacchanti, aññena pakkhā gacchanti, aññena sīsaṃ gacchati, aññena kāyo gacchati. Evameva kho, bhikkhave, idhekacco bhikkhu lābhasakkārasilokena abhibhūto pariyādiṇṇacitto pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisati arakkhiteneva kāyena arakkhitāya vācāya arakkhitena cittena, anupaṭṭhitāya satiyā, asaṃvutehi indriyehi. So tattha passati mātugāmaṃ dunnivatthaṃ vā duppārutaṃ vā. Tassa mātugāmaṃ disvā dunnivatthaṃ vā duppārutaṃ vā rāgo cittaṃ anuddhaṃseti. So rāgānuddhaṃsitena cittena sikkhaṃ paccakkhāya hīnāyāvattati. Tassa aññe cīvaraṃ haranti, aññe pattaṃ haranti, aññe nisīdanaṃ haranti, aññe sūcigharaṃ haranti, verambhavātakkhittasseva sakuṇassa. Evaṃ dāruṇo kho, bhikkhave, lābhasakkārasiloko …pe… evañhi vo, bhikkhave, sikkhitabban”ti. Navamaṃ.

10/(10). Sagāthakasuttaṃ

　　 166. Sāvatthiyaṃ viharati …pe… “dāruṇo, bhikkhave, lābhasakkārasiloko …pe… adhigamāya. Idhāhaṃ, bhikkhave, ekaccaṃ puggalaṃ passāmi sakkārena abhibhūtaṃ pariyādiṇṇacittaṃ, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannaṃ. Idha panāhaṃ, bhikkhave ekaccaṃ puggalaṃ passāmi asakkārena abhibhūtaṃ pariyādiṇṇacittaṃ, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannaṃ. Idha panāhaṃ, bhikkhave, ekaccaṃ puggalaṃ passāmi sakkārena ca asakkārena ca tadubhayena abhibhūtaṃ pariyādiṇṇacittaṃ, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannaṃ. Evaṃ dāruṇo kho, bhikkhave, lābhasakkārasiloko …pe… evañhi vo, bhikkhave, sikkhitabban”ti.

　　 Idamavoca bhagavā. Idaṃ vatvāna sugato athāparaṃ etadavoca satthā–

　　 “Yassa sakkariyamānassa, asakkārena cūbhayaṃ;

　　 Samādhi na vikampati, appamāṇavihārino.

　　 “Taṃ jhāyinaṃ sātatikaṃ, sukhumaṃ diṭṭhivipassakaṃ;

　　 Upādānakkhayārāmaṃ, āhu sappuriso itī”ti. Dasamaṃ.

　　 Paṭhamo vaggo.

　　 Tassuddānaṃ–

　　 Dāruṇo baḷisaṃ kummaṃ, dīghalomi ca mīḷhakaṃ;

　　 Asani diddhaṃ siṅgālaṃ, verambhena sagāthakanti.

2. Dutiyavaggo

11/(1). Suvaṇṇapātisuttaṃ

　　 167. Sāvatthiyaṃ viharati …pe… “dāruṇo, bhikkhave, lābhasakkārasiloko …pe… adhigamāya. Idhāhaṃ, bhikkhave, ekaccaṃ puggalaṃ evaṃ cetasā ceto paricca pajānāmi– ‘na cāyamāyasmā suvaṇṇapātiyāpi rūpiyacuṇṇaparipūrāya hetu sampajānamusā bhāseyyā’ti. Tamenaṃ passāmi aparena samayena lābhasakkārasilokena abhibhūtaṃ pariyādiṇṇacittaṃ sampajānamusā bhāsantaṃ. Evaṃ dāruṇo kho, bhikkhave, lābhasakkārasiloko …pe… evañhi vo, bhikkhave, sikkhitabban”ti. Paṭhamaṃ.

12/(2). Rūpiyapātisuttaṃ

　　 168. Sāvatthiyaṃ viharati …pe… “dāruṇo, bhikkhave, lābhasakkārasiloko …pe… idhāhaṃ, bhikkhave, ekaccaṃ puggalaṃ evaṃ cetasā ceto paricca pajānāmi– ‘na cāyamāyasmā rūpiyapātiyāpi suvaṇṇacuṇṇaparipūrāya hetu sampajānamusā bhāseyyā’ti. Tamenaṃ passāmi aparena samayena lābhasakkārasilokena abhibhūtaṃ pariyādiṇṇacittaṃ sampajānamusā bhāsantaṃ. Evaṃ dāruṇo kho, bhikkhave, lābhasakkārasiloko …pe… evañhi vo, bhikkhave, sikkhitabban”ti. Dutiyaṃ.

13-20/(3- 10). Suvaṇṇanikkhasuttādi-aṭṭhakaṃ

　　 169. Sāvatthiyaṃ viharati …pe… “idhāhaṃ bhikkhave, ekaccaṃ puggalaṃ evaṃ cetasā ceto paricca pajānāmi– ‘na cāyamāyasmā suvaṇṇanikkhassāpi hetu …pe… suvaṇṇanikkhasatassāpi hetu… siṅgīnikkhassāpi hetu… siṅgīnikkhasatassāpi hetu… pathaviyāpi jātarūpaparipūrāya hetu… āmisakiñcikkhahetupi… jīvitahetupi… janapadakalyāṇiyāpi hetu sampajānamusā bhāseyyā’ti. Tamenaṃ passāmi aparena samayena lābhasakkārasilokena abhibhūtaṃ pariyādiṇṇacittaṃ sampajānamusā bhāsantaṃ. Evaṃ dāruṇo kho, bhikkhave, lābhasakkārasiloko …pe… evañhi vo, bhikkhave, sikkhitabban”ti. Dasamaṃ.

　　 Dutiyo vaggo.

　　 Tassuddānaṃ–

　　 Dve pāti dve suvaṇṇā ca, siṅgīhi apare duve;

　　 Pathavī kiñcikkhajīvitaṃ, janapadakalyāṇiyā dasāti.

3. Tatiyavaggo

21/(1). Mātugāmasuttaṃ

　　 170. Sāvatthiyaṃ viharati …pe… “dāruṇo, bhikkhave, lābhasakkārasiloko …pe… na tassa, bhikkhave, mātugāmo eko ekassa cittaṃ pariyādāya tiṭṭhati yassa lābhasakkārasiloko cittaṃ pariyādāya tiṭṭhati. Evaṃ dāruṇo kho, bhikkhave, lābhasakkārasiloko …pe… evañhi vo, bhikkhave, sikkhitabban”ti. Paṭhamaṃ.