增支部3集114经到118经

第114经 堕落者经

"比丘们，有三种人若不舍弃此行为将堕入恶道、地狱。是哪三种？一是非梵行者却自称行梵行者，二是以无根据的非梵行诽谤纯净修梵行者，三是持此见解者：'欲乐中无过失'，因此沉溺于欲乐。比丘们，这三种人若不舍弃此行为将堕入恶道、地狱。"

第115经 难得经

"比丘们，世间有三种人难得出现。是哪三种？如来、阿罗汉、正等正觉者难得出现于世间，如来所说法律的教导者难得出现于世间，知恩报恩的人难得出现于世间。比丘们，这三种人难得出现于世间。"

第116经 不可量经

"比丘们，世间有三种人存在。是哪三种？易测量者、难测量者、不可测量者。

什么是易测量者？在此，某人轻浮、傲慢、浮躁、多言、散乱、失念、不正知、不专注、心散乱、诸根不护。比丘们，此人称为易测量者。

什么是难测量者？在此，某人不轻浮、不傲慢、不浮躁、不多言、不散乱、具念、正知、专注、心一境性、诸根防护。比丘们，此人称为难测量者。

什么是不可测量者？在此，比丘是漏尽的阿罗汉。比丘们，此人称为不可测量者。这三种人存在于世间。"

第117经 不动经

"比丘们，世间有三种人存在。是哪三种？

在此，比丘们，某人完全超越色想，灭除对立想，不作意种种想，思维'虚空无边'，证得空无边处而住。他喜爱此境界，欲求此境界，因此而得安乐，安住其中，专注其中，多住于此，命终不退失，往生空无边处天。比丘们，空无边处天的寿命是二万劫。凡夫在那里尽其寿命后，会堕入地狱、畜生道或饿鬼道。但是世尊的弟子在那里尽其寿命后，则在那一生中般涅槃。比丘们，这就是多闻圣弟子与无闻凡夫在趣处、投生方面的差别、殊胜与区分。

再者，比丘们，某人完全超越空无边处，思维'识无边'，证得识无边处而住。他喜爱此境界，欲求此境界，因此而得安乐，安住其中，专注其中，多住于此，命终不退失，往生识无边处天。比丘们，识无边处天的寿命是四万劫。凡夫在那里尽其寿命后，会堕入地狱、畜生道或饿鬼道。但是世尊的弟子在那里尽其寿命后，则在那一生中般涅槃。比丘们，这就是多闻圣弟子与无闻凡夫在趣处、投生方面的差别、殊胜与区分。

再者，比丘们，某人完全超越识无边处，思维'无所有'，证得无所有处而住。他喜爱此境界，欲求此境界，因此而得安乐，安住其中，专注其中，多住于此，命终不退失，往生无所有处天。比丘们，无所有处天的寿命是六万劫。凡夫在那里尽其寿命后，会堕入地狱、畜生道或饿鬼道。但是世尊的弟子在那里尽其寿命后，则在那一生中般涅槃。比丘们，这就是多闻圣弟子与无闻凡夫在趣处、投生方面的差别、殊胜与区分。比丘们，这三种人存在于世间。"

第118经 失败与成就经

"比丘们，有三种失败。是哪三种？戒失败、心失败、见失败。

什么是戒失败？在此，某人杀生、偷盗、邪淫、妄语、两舌、恶口、绮语。比丘们，这称为戒失败。

什么是心失败？在此，某人贪婪、怀恨。比丘们，这称为心失败。

什么是见失败？在此，某人持邪见，见解颠倒：'无布施，无供养，无祭祀，无善恶业的果报，无此世，无他世，无父，无母，无化生众生，世间无沙门婆罗门正行正道、依自己的证知而宣说此世他世者。'比丘们，这称为见失败。

比丘们，由于戒失败，或由于心失败，或由于见失败，众生身坏命终后往生恶趣、恶道、堕处、地狱。这就是三种失败。

"比丘们，有三种成就。是哪三种？戒成就、心成就、见成就。

什么是戒成就？在此，某人离杀生、离偷盗、离邪淫、离妄语、离两舌、离恶口、离绮语。比丘们，这称为戒成就。

什么是心成就？在此，某人无贪婪、无瞋恨。比丘们，这称为心成就。

什么是见成就？在此，某人持正见，见解不颠倒：'有布施，有供养，有祭祀，有善恶业的果报，有此世，有他世，有父，有母，有化生众生，世间有沙门婆罗门正行正道、依自己的证知而宣说此世他世者。'比丘们，这称为见成就。

比丘们，由于戒成就，或由于心成就，或由于见成就，众生身坏命终后往生善趣、天界。由于见成就，众生身坏命终后往生善趣、天界。比丘们，这就是三种成就。"

巴利语原版经文

(12) 2. Āpāyikavaggo

AN.3.114/ 1. Āpāyikasuttaṃ

　　 114. “Tayome bhikkhave, āpāyikā nerayikā idamappahāya. Katame tayo? Yo ca abrahmacārī brahmacāripaṭiñño, yo ca suddhaṃ brahmacariyaṃ carantaṃ amūlakena abrahmacariyena anuddhaṃseti, yo cāyaṃ evaṃvādī evaṃdiṭṭhi– ‘natthi kāmesu doso’ti, so tāya kāmesu pātabyataṃ āpajjati. Ime kho, bhikkhave, tayo āpāyikā nerayikā idamappahāyā”ti. Paṭhamaṃ.

AN.3.115/ 2. Dullabhasuttaṃ

　　 115. “Tiṇṇaṃ, bhikkhave, pātubhāvo dullabho lokasmiṃ. Katamesaṃ tiṇṇaṃ? Tathāgatassa, bhikkhave, arahato sammāsambuddhassa pātubhāvo dullabho lokasmiṃ, tathāgatappaveditassa dhammavinayassa desetā puggalo dullabho lokasmiṃ, kataññū katavedī puggalo dullabho lokasmiṃ. Imesaṃ kho, bhikkhave, tiṇṇaṃ pātubhāvo dullabho lokasmin”ti. Dutiyaṃ.

AN.3.116/ 3. Appameyyasuttaṃ

　　 116. “Tayome, bhikkhave, puggalā santo saṃvijjamānā lokasmiṃ. Katame tayo? Suppameyyo, duppameyyo, appameyyo. Katamo ca, bhikkhave, puggalo suppameyyo? Idha, bhikkhave, ekacco puggalo uddhato hoti unnaḷo capalo mukharo vikiṇṇavāco muṭṭhassati asampajāno asamāhito vibbhantacitto pākatindriyo. Ayaṃ vuccati, bhikkhave, puggalo suppameyyo.

　　 “Katamo ca, bhikkhave, puggalo duppameyyo? Idha, bhikkhave, ekacco puggalo anuddhato hoti anunnaḷo acapalo amukharo avikiṇṇavāco upaṭṭhitassati sampajāno samāhito ekaggacitto saṃvutindriyo. Ayaṃ vuccati, bhikkhave, puggalo duppameyyo.

　　 “Katamo ca, bhikkhave, puggalo appameyyo? Idha, bhikkhave, bhikkhu arahaṃ hoti khīṇāsavo. Ayaṃ vuccati, bhikkhave, puggalo appameyyo. Ime kho, bhikkhave, tayo puggalā santo saṃvijjamānā lokasmin”ti. Tatiyaṃ.

AN.3.117/ 4. Āneñjasuttaṃ

　　 117. “Tayome bhikkhave, puggalā santo saṃvijjamānā lokasmiṃ. Katame tayo? Idha, bhikkhave, ekacco puggalo sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. So tadassādeti taṃ nikāmeti tena ca vittiṃ āpajjati, tatra ṭhito tadadhimutto tabbahulavihārī aparihīno kālaṃ kurumāno ākāsānañcāyatanūpagānaṃ devānaṃ sahabyataṃ upapajjati. Ākāsānañcāyatanūpagānaṃ, bhikkhave, devānaṃ vīsati kappasahassāni āyuppamāṇaṃ. Tattha puthujjano yāvatāyukaṃ ṭhatvā yāvatakaṃ tesaṃ devānaṃ āyuppamāṇaṃ taṃ sabbaṃ khepetvā nirayampi gacchati tiracchānayonimpi gacchati pettivisayampi gacchati. Bhagavato pana sāvako tattha yāvatāyukaṃ ṭhatvā yāvatakaṃ tesaṃ devānaṃ āyuppamāṇaṃ taṃ sabbaṃ khepetvā tasmiṃyeva bhave parinibbāyati. Ayaṃ kho, bhikkhave, viseso ayaṃ adhippayāso idaṃ nānākaraṇaṃ sutavato ariyasāvakassa assutavatā puthujjanena, yadidaṃ gatiyā upapattiyā.

　　 “Puna caparaṃ, bhikkhave, idhekacco puggalo sabbaso ākāsānañcāyatanaṃ samatikkamma ‘anantaṃ viññāṇan’ti viññāṇañcāyatanaṃ upasampajja viharati. So tadassādeti taṃ nikāmeti tena ca vittiṃ āpajjati, tatra ṭhito tadadhimutto tabbahulavihārī aparihīno kālaṃ kurumāno viññāṇañcāyatanūpagānaṃ devānaṃ sahabyataṃ upapajjati. Viññāṇañcāyatanūpagānaṃ, bhikkhave, devānaṃ cattārīsaṃ kappasahassāni āyuppamāṇaṃ. Tattha puthujjano yāvatāyukaṃ ṭhatvā yāvatakaṃ tesaṃ devānaṃ āyuppamāṇaṃ taṃ sabbaṃ khepetvā nirayampi gacchati tiracchānayonimpi gacchati pettivisayampi gacchati. Bhagavato pana sāvako tattha yāvatāyukaṃ ṭhatvā yāvatakaṃ tesaṃ devānaṃ āyuppamāṇaṃ taṃ sabbaṃ khepetvā tasmiṃyeva bhave parinibbāyati. Ayaṃ kho, bhikkhave, viseso ayaṃ adhippayāso idaṃ nānākaraṇaṃ sutavato ariyasāvakassa assutavatā puthujjanena, yadidaṃ gatiyā upapattiyā.

　　 “Puna caparaṃ, bhikkhave, idhekacco puggalo sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. So tadassādeti taṃ nikāmeti tena ca vittiṃ āpajjati, tatra ṭhito tadadhimutto tabbahulavihārī aparihīno kālaṃ kurumāno ākiñcaññāyatanūpagānaṃ devānaṃ sahabyataṃ upapajjati. Ākiñcaññāyatanūpagānaṃ, bhikkhave, devānaṃ saṭṭhi kappasahassāni āyuppamāṇaṃ. Tattha puthujjano yāvatāyukaṃ ṭhatvā yāvatakaṃ tesaṃ devānaṃ āyuppamāṇaṃ taṃ sabbaṃ khepetvā nirayampi gacchati tiracchānayonimpi gacchati pettivisayampi gacchati. Bhagavato pana sāvako tattha yāvatāyukaṃ ṭhatvā yāvatakaṃ tesaṃ devānaṃ āyuppamāṇaṃ taṃ sabbaṃ khepetvā tasmiṃyeva bhave parinibbāyati. Ayaṃ kho, bhikkhave, viseso ayaṃ adhippayāso idaṃ nānākaraṇaṃ sutavato ariyasāvakassa assutavatā puthujjanena, yadidaṃ gatiyā upapattiyā. ‘Ime kho, bhikkhave, tayo puggalā santo saṃvijjamānā lokasmin’”ti. Catutthaṃ.

AN.3.118/ 5. Vipattisampadāsuttaṃ

　　 118. “Tisso imā, bhikkhave, vipattiyo. Katamā tisso? Sīlavipatti, cittavipatti, diṭṭhivipatti. Katamā ca, bhikkhave, sīlavipatti? Idha, bhikkhave, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti. Ayaṃ vuccati, bhikkhave, sīlavipatti.

　　 “Katamā ca, bhikkhave, cittavipatti? Idha, bhikkhave, ekacco abhijjhālu hoti byāpannacitto. Ayaṃ vuccati, bhikkhave, cittavipatti.

　　 “Katamā ca, bhikkhave, diṭṭhivipatti? Idha, bhikkhave, ekacco micchādiṭṭhiko hoti viparītadassano– ‘natthi dinnaṃ, natthi yiṭṭhaṃ, natthi hutaṃ, natthi sukatadukkaṭānaṃ kammānaṃ phalaṃ vipāko, natthi ayaṃ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti. Ayaṃ vuccati, bhikkhave, diṭṭhivipatti. Sīlavipattihetu vā, bhikkhave, sattā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjanti; cittavipattihetu vā, bhikkhave, sattā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjanti; diṭṭhivipattihetu vā, bhikkhave, sattā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjanti. Imā kho, bhikkhave, tisso vipattiyoti.

　　 “Tisso imā, bhikkhave, sampadā. Katamā tisso? Sīlasampadā, cittasampadā, diṭṭhisampadā. Katamā ca, bhikkhave, sīlasampadā? Idha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti. Ayaṃ vuccati, bhikkhave, sīlasampadā.

　　 “Katamā ca, bhikkhave, cittasampadā? Idha, bhikkhave, ekacco anabhijjhālu hoti abyāpannacitto. Ayaṃ vuccati, bhikkhave, cittasampadā.

　　 “Katamā ca, bhikkhave, diṭṭhisampadā? Idha, bhikkhave, ekacco sammādiṭṭhiko hoti aviparītadassano– ‘atthi dinnaṃ, atthi yiṭṭhaṃ, atthi hutaṃ, atthi sukatadukkaṭānaṃ kammānaṃ phalaṃ vipāko, atthi ayaṃ loko, atthi paro loko, atthi mātā, atthi pitā, atthi sattā opapātikā, atthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti. Ayaṃ vuccati, bhikkhave, diṭṭhisampadā. Sīlasampadāhetu vā, bhikkhave, sattā kāyassa bhedā paraṃ maraṇā sugatiṃ saggaṃ lokaṃ upapajjanti; cittasampadāhetu vā, bhikkhave, sattā kāyassa bhedā paraṃ maraṇā sugatiṃ saggaṃ lokaṃ upapajjanti diṭṭhisampadāhetu vā, bhikkhave, sattā kāyassa bhedā paraṃ maraṇā sugatiṃ saggaṃ lokaṃ upapajjanti. Imā kho, bhikkhave, tisso sampadā”ti. Pañcamaṃ.