（25）第五品 恶行品

241 第一恶行经

第一经

"诸比丘，恶行有此五种过患。哪五种呢？

一、自己责备自己；

二、智者们审察后加以呵责；

三、恶名声传扬开去；

四、临死时心识迷乱；

五、身坏命终之后，投生于苦处、恶趣、堕处、地狱。

诸比丘，这就是恶行的五种过患。

诸比丘，善行有此五种功德利益。哪五种呢？

一、自己不责备自己；

二、智者们审察后加以称赞；

三、好名声传扬开去；

四、临死时心识不迷乱；

五、身坏命终之后，投生于善趣、天界。

诸比丘，这就是善行的五种功德利益。"

第一经终。

242 第一身恶行经

第二经

"诸比丘，身恶行有此五种过患。（中略）身善行有此五种功德利益。（中略）"

第二经终。

243 第一语恶行经

第三经

"诸比丘，语恶行有此五种过患。（中略）语善行有此五种功德利益。（中略）"

第三经终。

244 第一意恶行经

第四经

"诸比丘，意恶行有此五种过患。（中略）意善行有此五种功德利益。哪五种呢？

一、自己不责备自己；

二、智者们审察后加以称赞；

三、好名声传扬开去；

四、临死时心识不迷乱；

五、身坏命终之后，投生于善趣、天界。

诸比丘，这就是意善行的五种功德利益。"

第四经终。

245 第二恶行经

第五经

"诸比丘，恶行有此五种过患。哪五种呢？

一、自己责备自己；

二、智者们审察后加以呵责；

三、恶名声传扬开去；

四、从正法中退出；

五、安住于非法之中。

诸比丘，这就是恶行的五种过患。

诸比丘，善行有此五种功德利益。哪五种呢？

一、自己不责备自己；

二、智者们审察后加以称赞；

三、好名声传扬开去；

四、从非法中退出；

五、安住于正法之中。

诸比丘，这就是善行的五种功德利益。"

第五经终。

246 第二身恶行经

第六经

"诸比丘，身恶行有此五种过患。（中略）身善行有此五种功德利益。（中略）"

第六经终。

247 第二语恶行经

第七经

"诸比丘，语恶行有此五种过患。（中略）语善行有此五种功德利益。（中略）"

第七经终。

248 第二意恶行经

第八经

"诸比丘，意恶行有此五种过患。（中略）意善行有此五种功德利益。哪五种呢？

一、自己不责备自己；

二、智者们审察后加以称赞；

三、好名声传扬开去；

四、从非法中退出；

五、安住于正法之中。

诸比丘，这就是意善行的五种功德利益。"

第八经终。

249 墓地经

第九经

"诸比丘，墓地（尸陀林）有此五种过患。哪五种呢？

一、不净；

二、恶臭；

三、令人恐惧；

四、是猛兽和非人的住处；

五、引起众多人的哀哭。

诸比丘，这就是墓地的五种过患。

同样地，诸比丘，如墓地一般的人，有此五种过患。哪五种呢？

诸比丘，在这里，有某个人具备了不净的身业，具备了不净的语业，具备了不净的意业。我说这就是他的不净。诸比丘，就像那个墓地是不净的一样，诸比丘，我说这个人也是如此的。

那个具备了不净身业、具备了不净语业、具备了不净意业的人，恶名声传扬开去。我说这就是他的恶臭。诸比丘，就像那个墓地是恶臭的一样，诸比丘，我说这个人也是如此的。

那个具备了不净身业、具备了不净语业、具备了不净意业的人，善良的同梵行者们远远地避开他。我说这就是他的令人恐惧。诸比丘，就像那个墓地是令人恐惧的一样，诸比丘，我说这个人也是如此的。

那个具备了不净身业、具备了不净语业、具备了不净意业的人，与同类的人共住在一起。我说这就是他的猛兽住处。诸比丘，就像那个墓地是猛兽和非人的住处一样，诸比丘，我说这个人也是如此的。

那个具备了不净身业、具备了不净语业、具备了不净意业的人，善良的同梵行者们见到他，便产生厌烦不满，说：'唉！真是我们的苦啊！我们竟然与这样的人共住在一起！'我说这就是他的引人哀哭。诸比丘，就像那个墓地引起众多人的哀哭一样，诸比丘，我说这个人也是如此的。

诸比丘，这就是如墓地一般的人的五种过患。"

第九经终。

250 对个人的净信经

第十经

"诸比丘，对个人的净信有此五种过患。哪五种呢？

诸比丘，若有人对某个人深具净信，而那个人犯了那样的罪过，以致于僧团对他作了举罪处分（将他摈出）。那么他就会这样想：'这个我所喜爱、可意的人，竟被僧团摈出了。'于是他对诸比丘们充满了不信任。因为对诸比丘们充满不信任，就不亲近其他比丘。不亲近其他比丘，就听不到正法。听不到正法，就会从正法中退失。诸比丘，这是对个人净信的第一种过患。

再者，诸比丘，若有人对某个人深具净信，而那个人犯了那样的罪过，以致于僧团令他坐在末座（别住处分）。那么他就会这样想：'这个我所喜爱、可意的人，竟被僧团令其坐在末座了。'于是他对诸比丘们充满了不信任。因为对诸比丘们充满不信任，就不亲近其他比丘。不亲近其他比丘，就听不到正法。听不到正法，就会从正法中退失。诸比丘，这是对个人净信的第二种过患。

再者，诸比丘，若有人对某个人深具净信，而那个人远走他方。（中略）那个人还俗离去。（中略）那个人命终了。那么他就会这样想：'这个我所喜爱、可意的人，已经命终了。'于是他不亲近其他比丘。不亲近其他比丘，就听不到正法。听不到正法，就会从正法中退失。诸比丘，这是对个人净信的第五种过患。

诸比丘，这就是对个人净信的五种过患。"

第十经终。

恶行品第五终。

其摄颂为：

恶行、身恶行，语恶行、意恶行；

以此四为前，再二（同类四经），墓地，以及对个人的净信。

第五个五十经完毕。

巴利语原版经文

(25) 5. Duccaritavaggo

AN.5.241/ 1. Paṭhamaduccaritasuttaṃ

　　 241. “Pañcime bhikkhave, ādīnavā duccarite. Katame pañca? Attāpi attānaṃ upavadati; anuvicca viññū garahanti; pāpako kittisaddo abbhuggacchati; sammūḷho kālaṃ karoti; kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ime kho, bhikkhave, pañca ādīnavā duccarite.

　　 “Pañcime, bhikkhave, ānisaṃsā sucarite. Katame pañca? Attāpi attānaṃ na upavadati; anuvicca viññū pasaṃsanti; kalyāṇo kittisaddo abbhuggacchati; asammūḷho kālaṃ karoti; kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca ānisaṃsā sucarite”ti. Paṭhamaṃ.

AN.5.242/ 2. Paṭhamakāyaduccaritasuttaṃ

　　 242. “Pañcime, bhikkhave, ādīnavā kāyaduccarite …pe… ānisaṃsā kāyasucarite …pe…. Dutiyaṃ.

AN.5.243/ 3. Paṭhamavacīduccaritasuttaṃ

　　 243. “Pañcime bhikkhave, ādīnavā vacīduccarite …pe… ānisaṃsā vacīsucarite …pe…. Tatiyaṃ.

AN.5.244/ 4. Paṭhamamanoduccaritasuttaṃ

　　 244. “Pañcime, bhikkhave, ādīnavā manoduccarite …pe… ānisaṃsā manosucarite Katame pañca? Attāpi attānaṃ na upavadati; anuvicca viññū pasaṃsanti; kalyāṇo kittisaddo abbhuggacchati; asammūḷho kālaṃ karoti; kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca ānisaṃsā manosucarite”ti. Catutthaṃ.

AN.5.245/ 5. Dutiyaduccaritasuttaṃ

　　 245. “Pañcime, bhikkhave, ādīnavā duccarite. Katame pañca? Attāpi attānaṃ upavadati; anuvicca viññū garahanti; pāpako kittisaddo abbhuggacchati; saddhammā vuṭṭhāti; asaddhamme patiṭṭhāti. Ime kho, bhikkhave, pañca ādīnavā duccarite.

　　 “Pañcime, bhikkhave, ānisaṃsā sucarite. Katame pañca? Attāpi attānaṃ na upavadati; anuvicca viññū pasaṃsanti; kalyāṇo kittisaddo abbhuggacchati; asaddhammā vuṭṭhāti; saddhamme patiṭṭhāti. Ime kho, bhikkhave, pañca ānisaṃsā sucarite”ti. Pañcamaṃ.

AN.5.246/ 6. Dutiyakāyaduccaritasuttaṃ

　　 246. “Pañcime, bhikkhave, ādīnavā kāyaduccarite …pe… ānisaṃsā kāyasucarite …pe…. Chaṭṭhaṃ.

AN.5.247/ 7. Dutiyavacīduccaritasuttaṃ

　　 247. “Pañcime, bhikkhave, ādīnavā vacīduccarite …pe… ānisaṃsā vacīsucarite …pe…. Sattamaṃ.

AN.5.248/ 8. Dutiyamanoduccaritasuttaṃ

　　 248. “Pañcime bhikkhave, ādīnavā manoduccarite …pe… ānisaṃsā manosucarite. Katame pañca? Attāpi attānaṃ na upavadati; anuvicca viññū pasaṃsanti; kalyāṇo kittisaddo abbhuggacchati; asaddhammā vuṭṭhāti; saddhamme patiṭṭhāti. Ime kho, bhikkhave, pañca ānisaṃsā manosucarite”ti. Aṭṭhamaṃ.

AN.5.249/ 9. Sivathikasuttaṃ

　　 249. “Pañcime, bhikkhave, ādīnavā sivathikāya. Katame pañca? Asuci, duggandhā, sappaṭibhayā, vāḷānaṃ amanussānaṃ āvāso, bahuno janassa ārodanā– ime kho, bhikkhave, pañca ādīnavā sivathikāya.

　　 “Evamevaṃ kho, bhikkhave, pañcime ādīnavā sivathikūpame puggale. Katame pañca? Idha bhikkhave, ekacco puggalo asucinā kāyakammena samannāgato hoti; asucinā vacīkammena samannāgato hoti; asucinā manokammena samannāgato hoti. Idamassa asucitāya vadāmi. Seyyathāpi sā, bhikkhave, sivathikā asuci; tathūpamāhaṃ, bhikkhave, imaṃ puggalaṃ vadāmi.

　　 “Tassa asucinā kāyakammena samannāgatassa, asucinā vacīkammena samannāgatassa, asucinā manokammena samannāgatassa pāpako kittisaddo abbhuggacchati. Idamassa duggandhatāya vadāmi. Seyyathāpi sā, bhikkhave, sivathikā duggandhā; tathūpamāhaṃ, bhikkhave, imaṃ puggalaṃ vadāmi.

　　 “Tamenaṃ asucinā kāyakammena samannāgataṃ, asucinā vacīkammena samannāgataṃ, asucinā manokammena samannāgataṃ pesalā sabrahmacārī ārakā parivajjanti. Idamassa sappaṭibhayasmiṃ vadāmi. Seyyathāpi sā, bhikkhave, sivathikā sappaṭibhayā; tathūpamāhaṃ, bhikkhave, imaṃ puggalaṃ vadāmi.

　　 “So asucinā kāyakammena samannāgato, asucinā vacīkammena samannāgato asucinā manokammena samannāgato sabhāgehi puggalehi saddhiṃ saṃvasati. Idamassa vāḷāvāsasmiṃ vadāmi. Seyyathāpi sā bhikkhave, sivathikā vāḷānaṃ amanussānaṃ āvāso; tathūpamāhaṃ, bhikkhave, imaṃ puggalaṃ vadāmi.

　　 “Tamenaṃ asucinā kāyakammena samannāgataṃ, asucinā vacīkammena samannāgataṃ, asucinā manokammena samannāgataṃ pesalā sabrahmacārī disvā khīyadhammaṃ āpajjanti– ‘aho vata no dukkhaṃ ye mayaṃ evarūpehi puggalehi saddhiṃ saṃvasāmā’ti! Idamassa ārodanāya vadāmi. Seyyathāpi sā, bhikkhave, sivathikā bahuno janassa ārodanā; tathūpamāhaṃ, bhikkhave, imaṃ puggalaṃ vadāmi. Ime kho, bhikkhave, pañca ādīnavā sivathikūpame puggale”ti. Navamaṃ.

AN.5.250/ 10. Puggalappasādasuttaṃ

　　 250. “Pañcime bhikkhave, ādīnavā puggalappasāde. Katame pañca? Yasmiṃ, bhikkhave, puggale puggalo abhippasanno hoti, so tathārūpaṃ āpattiṃ āpanno hoti yathārūpāya āpattiyā saṅgho ukkhipati. Tassa evaṃ hoti– ‘yo kho myāyaṃ puggalo piyo manāpo so saṅghena ukkhitto’ti. Bhikkhūsu appasādabahulo hoti. Bhikkhūsu appasādabahulo samāno aññe bhikkhū na bhajati. Aññe bhikkhū abhajanto saddhammaṃ na suṇāti. Saddhammaṃ asuṇanto saddhammā parihāyati. Ayaṃ, bhikkhave, paṭhamo ādīnavo puggalappasāde.

　　 “Puna caparaṃ, bhikkhave, yasmiṃ puggale puggalo abhippasanno hoti, so tathārūpaṃ āpattiṃ āpanno hoti yathārūpāya āpattiyā saṅgho ante nisīdāpeti Tassa evaṃ hoti– ‘yo kho myāyaṃ puggalo piyo manāpo so saṅghena ante nisīdāpito’ti. Bhikkhūsu appasādabahulo hoti. Bhikkhūsu appasādabahulo samāno aññe bhikkhū na bhajati. Aññe bhikkhū abhajanto saddhammaṃ na suṇāti. Saddhammaṃ asuṇanto saddhammā parihāyati. Ayaṃ, bhikkhave, dutiyo ādīnavo puggalappasāde.

　　 “Puna caparaṃ, bhikkhave, yasmiṃ puggale puggalo abhippasanno hoti, so disāpakkanto hoti …pe… so vibbhanto hoti …pe… so kālaṅkato hoti. Tassa evaṃ hoti– ‘yo kho myāyaṃ puggalo piyo manāpo so kālaṅkato’ti. Aññe bhikkhū na bhajati. Aññe bhikkhū abhajanto saddhammaṃ na suṇāti. Saddhammaṃ asuṇanto saddhammā parihāyati. Ayaṃ, bhikkhave, pañcamo ādīnavo puggalappasāde. Ime kho, bhikkhave, pañca ādīnavā puggalappasāde”ti. Dasamaṃ.

　　Duccaritavaggo pañcamo.

　　 Tassuddānaṃ–

　　 Duccaritaṃ kāyaduccaritaṃ, vacīduccaritaṃ manoduccaritaṃ.

　　Catūhi pare dve sivathikā, puggalappasādena cāti.

　　Pañcamapaṇṇāsakaṃ samattaṃ.