16 第二·乐味遍求经（第四经）

"比丘们，我曾经去遍求色（色尘）的乐味。色的乐味是什么，我就证得了那个。色的乐味到什么程度，以智慧我已善见了。

比丘们，我曾经去遍求色的过患。色的过患是什么，我就证得了那个。色的过患到什么程度，以智慧我已善见了。

比丘们，我曾经去遍求色的出离。色的出离是什么，我就证得了那个。色的出离到什么程度，以智慧我已善见了。

比丘们，我曾经遍求声的（乐味、过患、出离）……（中略）比丘们，我曾经遍求香的……（中略）比丘们，我曾经遍求味的……（中略）比丘们，我曾经遍求触的……（中略）

比丘们，我曾经去遍求法（法尘）的乐味。法的乐味是什么，我就证得了那个。法的乐味到什么程度，以智慧我已善见了。

比丘们，我曾经去遍求法的过患。法的过患是什么，我就证得了那个。法的过患到什么程度，以智慧我已善见了。

比丘们，我曾经去遍求法的出离。法的出离是什么，我就证得了那个。法的出离到什么程度，以智慧我已善见了。

比丘们，只要我对这六种外处（即色、声、香、味、触、法），没有如实地了知乐味为乐味、过患为过患、出离为出离……（中略）……（但当我如实了知之后，）我就证知了。我的智见生起了——'我的解脱不可动摇，这是最后一生，不再有来世的存在了。'"

第四经终。

17 第一·若无乐味经（第五经）

"比丘们，如果眼没有乐味的话，众生就不会对眼贪染。正因为，比丘们，眼有乐味，所以众生对眼贪染。

比丘们，如果眼没有过患的话，众生就不会对眼厌离。正因为，比丘们，眼有过患，所以众生对眼厌离。

比丘们，如果眼没有出离的话，众生就不能从眼出离。正因为，比丘们，眼有出离，所以众生能从眼出离。

比丘们，如果耳没有乐味的话……（中略）比丘们，如果鼻没有乐味的话……（中略）

比丘们，如果舌没有乐味的话，众生就不会对舌贪染。正因为，比丘们，舌有乐味，所以众生对舌贪染。

比丘们，如果舌没有过患的话，众生就不会对舌厌离。正因为，比丘们，舌有过患，所以众生对舌厌离。

比丘们，如果舌没有出离的话，众生就不能从舌出离。正因为，比丘们，舌有出离，所以众生能从舌出离。

比丘们，如果身没有乐味的话……（中略）

比丘们，如果意没有乐味的话，众生就不会对意贪染。正因为，比丘们，意有乐味，所以众生对意贪染。

比丘们，如果意没有过患的话，众生就不会对意厌离。正因为，比丘们，意有过患，所以众生对意厌离。

比丘们，如果意没有出离的话，众生就不能从意出离。正因为，比丘们，意有出离，所以众生能从意出离。

比丘们，只要众生对这六种内处，没有如实地了知乐味为乐味、过患为过患、出离为出离，那么，比丘们，众生就不能从包含天、魔、梵的世界，包含沙门、婆罗门的人众，包含天与人的众生中，出离、解缚、解脱，以无限制的心而安住。

但是，比丘们，当众生对这六种内处，如实地了知乐味为乐味、过患为过患、出离为出离之时，那么，比丘们，众生就能从包含天、魔、梵的世界，包含沙门、婆罗门的人众，包含天与人的众生中，出离、解缚、解脱，以无限制的心而安住。"

第五经终。

18 第二·若无乐味经（第六经）

"比丘们，如果色（色尘）没有乐味的话，众生就不会对色贪染。正因为，比丘们，色有乐味，所以众生对色贪染。

比丘们，如果色没有过患的话，众生就不会对色厌离。正因为，比丘们，色有过患，所以众生对色厌离。

比丘们，如果色没有出离的话，众生就不能从色出离。正因为，比丘们，色有出离，所以众生能从色出离。

比丘们，如果声没有……（中略）香没有……（中略）味没有……（中略）触没有……（中略）

比丘们，如果法（法尘）没有乐味的话，众生就不会对法贪染。正因为，比丘们，法有乐味，所以众生对法贪染。

比丘们，如果法没有过患的话，众生就不会对法厌离。正因为，比丘们，法有过患，所以众生对法厌离。

比丘们，如果法没有出离的话，众生就不能从法出离。正因为，比丘们，法有出离，所以众生能从法出离。

比丘们，只要众生对这六种外处，没有如实地了知乐味为乐味、过患为过患、出离为出离，那么，比丘们，众生就不能从包含天、魔、梵的世界，包含沙门、婆罗门的人众，包含天与人的众生中，出离、解缚、解脱，以无限制的心而安住。

但是，比丘们，当众生对这六种外处，如实地了知乐味为乐味、过患为过患、出离为出离之时，那么，比丘们，众生就能从包含天、魔、梵的世界，包含沙门、婆罗门的人众，包含天与人的众生中，出离、解缚、解脱，以无限制的心而安住。"

第六经终。

巴利语原版经文

SN.35.16/(4). Dutiya-assādapariyesanasuttaṃ

　　 16. “Rūpānāhaṃ, bhikkhave, assādapariyesanaṃ acariṃ. Yo rūpānaṃ assādo tadajjhagamaṃ. Yāvatā rūpānaṃ assādo paññāya me so sudiṭṭho. Rūpānāhaṃ, bhikkhave, ādīnavapariyesanaṃ acariṃ. Yo rūpānaṃ ādīnavo tadajjhagamaṃ. Yāvatā rūpānaṃ ādīnavo paññāya me so sudiṭṭho. Rūpānāhaṃ, bhikkhave, nissaraṇapariyesanaṃ acariṃ. Yaṃ rūpānaṃ nissaraṇaṃ tadajjhagamaṃ. Yāvatā rūpānaṃ nissaraṇaṃ, paññāya me taṃ sudiṭṭhaṃ. Saddānāhaṃ, bhikkhave… gandhānāhaṃ, bhikkhave… rasānāhaṃ, bhikkhave… phoṭṭhabbānāhaṃ, bhikkhave… dhammānāhaṃ, bhikkhave, assādapariyesanaṃ acariṃ. Yo dhammānaṃ assādo tadajjhagamaṃ. Yāvatā dhammānaṃ assādo paññāya me so sudiṭṭho. Dhammānāhaṃ, bhikkhave, ādīnavapariyesanaṃ acariṃ. Yo dhammānaṃ ādīnavo tadajjhagamaṃ. Yāvatā dhammānaṃ ādīnavo paññāya me so sudiṭṭho. Dhammānāhaṃ, bhikkhave, nissaraṇapariyesanaṃ acariṃ. Yaṃ dhammānaṃ nissaraṇaṃ tadajjhagamaṃ. Yāvatā dhammānaṃ nissaraṇaṃ, paññāya me taṃ sudiṭṭhaṃ.

　　 “Yāvakīvañcāhaṃ, bhikkhave, imesaṃ channaṃ bāhirānaṃ āyatanānaṃ assādañca assādato, ādīnavañca ādīnavato, nissaraṇañca nissaraṇato yathābhūtaṃ nābbhaññāsiṃ …pe… paccaññāsiṃ. Ñāṇañca pana me dassanaṃ udapādi– ‘akuppā me vimutti, ayamantimā jāti, natthi dāni punabbhavo’”ti. Catutthaṃ.

SN.35.17/(5). Paṭhamanoce-assādasuttaṃ

　　 17. “No cedaṃ, bhikkhave, cakkhussa assādo abhavissa, nayidaṃ sattā cakkhusmiṃ sārajjeyyuṃ. Yasmā ca kho, bhikkhave, atthi cakkhussa assādo tasmā sattā cakkhusmiṃ sārajjanti. No cedaṃ, bhikkhave, cakkhussa ādīnavo abhavissa, nayidaṃ sattā cakkhusmiṃ nibbindeyyuṃ. Yasmā ca kho, bhikkhave, atthi cakkhussa ādīnavo tasmā sattā cakkhusmiṃ nibbindanti. No cedaṃ, bhikkhave, cakkhussa nissaraṇaṃ abhavissa, nayidaṃ sattā cakkhusmā nissareyyuṃ. Yasmā ca kho, bhikkhave, atthi cakkhussa nissaraṇaṃ tasmā sattā cakkhusmā nissaranti. No cedaṃ, bhikkhave, sotassa assādo abhavissa… no cedaṃ, bhikkhave, ghānassa assādo abhavissa… no cedaṃ, bhikkhave, jivhāya assādo abhavissa, nayidaṃ sattā jivhāya sārajjeyyuṃ. Yasmā ca kho, bhikkhave, atthi jivhāya assādo, tasmā sattā jivhāya sārajjanti. No cedaṃ, bhikkhave, jivhāya ādīnavo abhavissa, nayidaṃ sattā jivhāya nibbindeyyuṃ. Yasmā ca kho, bhikkhave, atthi jivhāya ādīnavo, tasmā sattā jivhāya nibbindanti. No cedaṃ, bhikkhave, jivhāya nissaraṇaṃ abhavissa, nayidaṃ sattā jivhāya nissareyyuṃ. Yasmā ca kho, bhikkhave, atthi jivhāya nissaraṇaṃ, tasmā sattā jivhāya nissaranti. No cedaṃ, bhikkhave, kāyassa assādo abhavissa… no cedaṃ, bhikkhave, manassa assādo abhavissa, nayidaṃ sattā manasmiṃ sārajjeyyuṃ. Yasmā ca kho, bhikkhave, atthi manassa assādo, tasmā sattā manasmiṃ sārajjanti. No cedaṃ, bhikkhave, manassa ādīnavo abhavissa, nayidaṃ sattā manasmiṃ nibbindeyyuṃ Yasmā ca kho, bhikkhave, atthi manassa ādīnavo, tasmā sattā manasmiṃ nibbindanti. No cedaṃ, bhikkhave, manassa nissaraṇaṃ abhavissa, nayidaṃ sattā manasmā nissareyyuṃ. Yasmā ca kho, bhikkhave, atthi manassa nissaraṇaṃ, tasmā sattā manasmā nissaranti.

　　 “Yāvakīvañca, bhikkhave, sattā imesaṃ channaṃ ajjhattikānaṃ āyatanānaṃ assādañca assādato, ādīnavañca ādīnavato, nissaraṇañca nissaraṇato yathābhūtaṃ nābbhaññaṃsu, neva tāva, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaññuttā vippamuttā vimariyādīkatena cetasā vihariṃsu. Yato ca kho, bhikkhave, sattā imesaṃ channaṃ ajjhattikānaṃ āyatanānaṃ assādañca assādato, ādīnavañca ādīnavato, nissaraṇañca nissaraṇato yathābhūtaṃ abbhaññaṃsu atha, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaññuttā vippamuttā vimariyādīkatena cetasā viharantī”ti. Pañcamaṃ.

SN.35.18/(6). Dutiyanoce-assādasuttaṃ

　　 18. “No cedaṃ, bhikkhave, rūpānaṃ assādo abhavissa, nayidaṃ sattā rūpesu sārajjeyyuṃ. Yasmā ca kho, bhikkhave, atthi rūpānaṃ assādo, tasmā sattā rūpesu sārajjanti. No cedaṃ, bhikkhave, rūpānaṃ ādīnavo abhavissa, nayidaṃ sattā rūpesu nibbindeyyuṃ. Yasmā ca kho, bhikkhave, atthi rūpānaṃ ādīnavo, tasmā sattā rūpesu nibbindanti. No cedaṃ, bhikkhave, rūpānaṃ nissaraṇaṃ abhavissa, nayidaṃ sattā rūpehi nissareyyuṃ. Yasmā ca kho, bhikkhave, atthi rūpānaṃ nissaraṇaṃ, tasmā sattā rūpehi nissaranti. No cedaṃ, bhikkhave, saddānaṃ… gandhānaṃ… rasānaṃ… phoṭṭhabbānaṃ… dhammānaṃ assādo abhavissa, nayidaṃ sattā dhammesu sārajjeyyuṃ. Yasmā ca kho, bhikkhave, atthi dhammānaṃ assādo, tasmā sattā dhammesu sārajjanti. No cedaṃ, bhikkhave, dhammānaṃ ādīnavo abhavissa, nayidaṃ sattā dhammesu nibbindeyyuṃ. Yasmā ca kho, bhikkhave, atthi dhammānaṃ ādīnavo, tasmā sattā dhammesu nibbindanti. No cedaṃ, bhikkhave, dhammānaṃ nissaraṇaṃ abhavissa, nayidaṃ sattā dhammehi nissareyyuṃ. Yasmā ca kho, bhikkhave, atthi dhammānaṃ nissaraṇaṃ, tasmā sattā dhammehi nissaranti.

　　 “Yāvakīvañca, bhikkhave, sattā imesaṃ channaṃ bāhirānaṃ āyatanānaṃ assādañca assādato, ādīnavañca ādīnavato, nissaraṇañca nissaraṇato yathābhūtaṃ nābbhaññaṃsu neva tāva, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaññuttā vippamuttā vimariyādīkatena cetasā vihariṃsu. Yato ca kho, bhikkhave, sattā imesaṃ channaṃ bāhirānaṃ āyatanānaṃ assādañca assādato, ādīnavañca ādīnavato, nissaraṇañca nissaraṇato yathābhūtaṃ abbhaññaṃsu, atha, bhikkhave sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaññuttā vippamuttā vimariyādīkatena cetasā viharantī”ti. Chaṭṭhaṃ.