相应部12相应44经到50经(因缘相应/因缘篇/修多罗)

44. 世间经

[佛陀]住在舍卫城......"比丘们,我将为你们讲说世间的生起和灭尽。请仔细听,认真思考,我将为你们讲说。""是的,世尊。"那些比丘回答世尊。世尊如是说:

"比丘们,什么是世间的生起?缘眼和色生起眼识。三者和合生触。缘触生受;缘受生爱;缘爱生取;缘取生有;缘有生生;缘生而有老死、忧悲苦恼。这就是世间的生起。

"缘耳和声...缘鼻和香...缘舌和味...缘身和触...缘意和法生起意识。三者和合生触。缘触生受...缘生而有老死、忧悲苦恼。这就是世间的生起。

"比丘们,什么是世间的灭尽?缘眼和色生起眼识。三者和合生触。缘触生受;缘受生爱。就是这爱的无余离贪灭,则取灭;取灭则有灭...如是这整个苦蕴灭。这就是世间的灭尽。

"缘耳和声...缘意和法生起意识。三者和合生触。缘触生受;缘受生爱。就是这爱的无余离贪灭,则取灭;取灭则有灭...如是这整个苦蕴灭。这就是世间的灭尽。"

45. 那提迦经

如是我闻。一时,世尊住在那提迦的砖房中。那时,世尊独自静坐,说了这段法:

"缘眼和色生起眼识。三者和合生触。缘触生受,缘受生爱;缘爱生取...如是这整个苦蕴生起。

"缘耳和声...缘意和法生起意识。三者和合生触。缘触生受;缘受生爱;缘爱生取...如是这整个苦蕴生起。

"缘眼和色生起眼识。三者和合生触。缘触生受;缘受生爱。就是这爱的无余离贪灭,则取灭;取灭则有灭...如是这整个苦蕴灭。

"缘耳和声...缘意和法生起意识。三者和合生触。缘触生受;缘受生爱。就是这爱的无余离贪灭,则取灭;取灭则有灭...如是这整个苦蕴灭。"

那时,有一位比丘站在世尊附近偷听。世尊看见那位比丘站在附近偷听。看见后,对那位比丘说:"比丘,你听到这段法了吗?""是的,世尊。""比丘,你要学习这段法;比丘,你要精通这段法;比丘,你要记住这段法。比丘,这段法是有益的,是梵行的基础。"

46. 某婆罗门经

[佛陀]住在舍卫城。那时,有一位婆罗门来到世尊处。来到后,与世尊互相问候。互相寒暄后,坐在一旁。坐在一旁的那位婆罗门对世尊说:

"尊者乔达摩,是否是同一个人造业和受报?"" '同一个人造业和受报',婆罗门,这是一个极端。"

"那么,尊者乔达摩,是一个人造业,另一个人受报吗?"" '一个人造业,另一个人受报',婆罗门,这是另一个极端。婆罗门,如来不落入这两个极端,而是以中道说法:'缘无明有行;缘行有识...如是这整个苦蕴生起。但以无明的无余离贪灭,则行灭;行灭则识灭...如是这整个苦蕴灭。' "

说完这些,那位婆罗门对世尊说:"太好了,尊者乔达摩,太好了...愿尊者乔达摩接受我为优婆塞,从今日起终生皈依。"

47. 生漏经

[佛陀]住在舍卫城。那时,生漏婆罗门来到世尊处...坐在一旁后,生漏婆罗门对世尊说:

"尊者乔达摩,一切都存在吗?"" '一切都存在',婆罗门,这是一个极端。"

"那么,尊者乔达摩,一切都不存在吗?"" '一切都不存在',婆罗门,这是另一个极端。婆罗门,如来不落入这两个极端,而是以中道说法:'缘无明有行;缘行有识...如是这整个苦蕴生起。但以无明的无余离贪灭,则行灭;行灭则识灭...如是这整个苦蕴灭。' "

说完这些,生漏婆罗门对世尊说:"太好了,尊者乔达摩...愿尊者乔达摩接受我为优婆塞,从今日起终生皈依。"

48. 顺世论者经

[佛陀]住在舍卫城。那时,一位顺世论者婆罗门来到世尊处...坐在一旁后,那位顺世论者婆罗门对世尊说:

"尊者乔达摩,一切都存在吗?"" '一切都存在',婆罗门,这是顺世论的第一种观点。"

"那么,尊者乔达摩,一切都不存在吗?"" '一切都不存在',婆罗门,这是顺世论的第二种观点。"

"尊者乔达摩,一切都是一体吗?"" '一切都是一体',婆罗门,这是顺世论的第三种观点。"

"那么,尊者乔达摩,一切都是多样的吗?"" '一切都是多样的',婆罗门,这是顺世论的第四种观点。"

"婆罗门,如来不落入这些极端,而是以中道说法:'缘无明有行;缘行有识...如是这整个苦蕴生起。但以无明的无余离贪灭,则行灭;行灭则识灭...如是这整个苦蕴灭。' "

说完这些,那位顺世论者婆罗门对世尊说:"太好了,尊者乔达摩...愿尊者乔达摩接受我为优婆塞,从今日起终生皈依。"

49. 圣弟子经

[佛陀]住在舍卫城......"比丘们,多闻圣弟子不会这样想:'什么存在时什么存在?什么生起时什么生起?(什么存在时有行?什么存在时有识?)什么存在时有名色?什么存在时有六入?什么存在时有触?什么存在时有受?什么存在时有爱?什么存在时有取?什么存在时有有?什么存在时有生?什么存在时有老死?'

"相反,比丘们,多闻圣弟子不依他人而有这样的智慧:'这个存在时那个存在,这个生起时那个生起。(无明存在时有行;行存在时有识;)识存在时有名色;名色存在时有六入;六入存在时有触;触存在时有受;受存在时有爱;爱存在时有取;取存在时有有;有存在时有生;生存在时有老死。'他如是了知:'这就是世间的生起。' "

"比丘们,多闻圣弟子不会这样想:'什么不存在时什么不存在?什么灭时什么灭?(什么不存在时没有行?什么不存在时没有识?)什么不存在时没有名色?什么不存在时没有六入?什么不存在时没有触?什么不存在时没有受?什么不存在时没有爱?什么不存在时没有取?什么不存在时没有有?什么不存在时没有生?什么不存在时没有老死?'

"相反,比丘们,多闻圣弟子不依他人而有这样的智慧:'这个不存在时那个不存在,这个灭时那个灭。(无明不存在时没有行;行不存在时没有识;)识不存在时没有名色;名色不存在时没有六入...有不存在时没有生...生不存在时没有老死。'他如是了知:'这就是世间的灭尽。' "

"比丘们,当圣弟子如实了知世间的生起和灭尽时,他被称为'具足见'...他站在不死之门前。"

50. 第二圣弟子经

[佛陀]住在舍卫城......"比丘们,多闻圣弟子不会这样想:'什么存在时什么存在?什么生起时什么生起?什么存在时有行?什么存在时有识?什么存在时有名色?什么存在时有六入?什么存在时有触?什么存在时有受?什么存在时有爱?什么存在时有取?什么存在时有有?什么存在时有生?什么存在时有老死?'

"相反,比丘们,多闻圣弟子不依他人而有这样的智慧:'这个存在时那个存在,这个生起时那个生起。无明存在时有行;行存在时有识;识存在时有名色;名色存在时有六入;六入存在时有触;触存在时有受;受存在时有爱;爱存在时有取;取存在时有有;有存在时有生;生存在时有老死。'他如是了知:'这就是世间的生起。' "

"比丘们,多闻圣弟子不会这样想:'什么不存在时什么不存在?什么灭时什么灭?什么不存在时没有行?什么不存在时没有识?什么不存在时没有名色?什么不存在时没有六入?什么不存在时没有触?什么不存在时没有受?什么不存在时没有爱...没有取...没有有...没有生...什么不存在时没有老死?'

"相反,比丘们,多闻圣弟子不依他人而有这样的智慧:'这个不存在时那个不存在,这个灭时那个灭。无明不存在时没有行;行不存在时没有识;识不存在时没有名色;名色不存在时没有六入...生不存在时没有老死。'他如是了知:'这就是世间的灭尽。' "

"比丘们,当圣弟子如实了知世间的生起和灭尽时,他被称为'具足见'、'具足观'、'已到达此正法'、'见此正法'、'具有有学智'、'具有有学明'、'已入法流'、'具有圣者的抉择慧'、'站在不死之门前'。"

这是第十经。

居士品第五终。

其摘要如下:

两个五怖畏已说,苦、世间和亲属,

某[婆罗门]、生漏,以及第八顺世论者。

两个圣弟子已说,以此称为[本]品。

巴利语原版经文

44/(4). Lokasuttaṃ

　　 44. Sāvatthiyaṃ viharati …pe… “lokassa, bhikkhave, samudayañca atthaṅgamañca desessāmi. Taṃ suṇātha, sādhukaṃ manasi karotha; bhāsissāmī”ti. “Evaṃ, bhante”ti kho te bhikkhū bhagavato paccassosuṃ. Bhagavā etadavoca–

　　 “Katamo ca, bhikkhave, lokassa samudayo? Cakkhuñca paṭicca rūpe ca uppajjati cakkhuviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā; taṇhāpaccayā upādānaṃ; upādānapaccayā bhavo; bhavapaccayā jāti; jātipaccayā jarāmaraṇaṃ sokaparidevadukkhadomanassupāyāsā sambhavanti. Ayaṃ kho, bhikkhave, lokassa samudayo.

　　 “Sotañca paṭicca sadde ca …pe… ghānañca paṭicca gandhe ca… jivhañca paṭicca rase ca… kāyañca paṭicca phoṭṭhabbe ca… manañca paṭicca dhamme ca uppajjati manoviññāṇaṃ. Tiṇṇaṃ saṅgati phasso. Phassapaccayā vedanā …pe… jātipaccayā jarāmaraṇaṃ sokaparidevadukkhadomanassupāyāsā sambhavanti. Ayaṃ kho, bhikkhave, lokassa samudayo.

　　 “Katamo ca, bhikkhave, lokassa atthaṅgamo? Cakkhuñca paṭicca rūpe ca uppajjati cakkhuviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā. Tassāyeva taṇhāya asesavirāganirodhā upādānanirodho; upādānanirodhā bhavanirodho …pe… evametassa kevalassa dukkhakkhandhassa nirodho hoti. Ayaṃ kho, bhikkhave, lokassa atthaṅgamo.

　　 “Sotañca paṭicca sadde ca …pe… ghānañca paṭicca gandhe ca… jivhañca paṭicca rase ca… kāyañca paṭicca phoṭṭhabbe ca… manañca paṭicca dhamme ca uppajjati manoviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā. Tassāyeva taṇhāya asesavirāganirodhā upādānanirodho; upādānanirodhā bhavanirodho …pe… evametassa kevalassa dukkhakkhandhassa nirodho hoti. Ayaṃ kho, bhikkhave, lokassa atthaṅgamo”ti. Catutthaṃ.

45/(5). Ñātikasuttaṃ

　　 45. Evaṃ me sutaṃ– ekaṃ samayaṃ bhagavā ñātike viharati giñjakāvasathe. Atha kho bhagavā rahogato paṭisallāno imaṃ dhammapariyāyaṃ abhāsi–

　　 “Cakkhuñca paṭicca rūpe ca uppajjati cakkhuviññāṇaṃ. Tiṇṇaṃ saṅgati phasso. Phassapaccayā vedanā, vedanāpaccayā taṇhā; taṇhāpaccayā upādānaṃ …pe… evametassa kevalassa dukkhakkhandhassa samudayo hoti.

　　 “Sotañca paṭicca sadde ca …pe… ghānañca paṭicca gandhe ca… jivhañca paṭicca rase ca… kāyañca paṭicca phoṭṭhabbe ca… manañca paṭicca dhamme ca uppajjati manoviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā; taṇhāpaccayā upādānaṃ …pe… evametassa kevalassa dukkhakkhandhassa samudayo hoti.

　　 “Cakkhuñca paṭicca rūpe ca uppajjati cakkhuviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā. Tassāyeva taṇhāya asesavirāganirodhā upādānanirodho; upādānanirodhā bhavanirodho …pe… evametassa kevalassa dukkhakkhandhassa nirodho hoti.

　　 “Sotañca paṭicca sadde ca …pe… manañca paṭicca dhamme ca uppajjati manoviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā. Tassāyeva taṇhāya asesavirāganirodhā upādānanirodho; upādānanirodhā bhavanirodho …pe… evametassa kevalassa dukkhakkhandhassa nirodho hotī”ti.

　　 Tena kho pana samayena aññataro bhikkhu bhagavato upassuti ṭhito hoti. Addasā kho bhagavā taṃ bhikkhuṃ upassuti ṭhitaṃ. Disvāna taṃ bhikkhuṃ etadavoca– “assosi no tvaṃ, bhikkhu, imaṃ dhammapariyāyan”ti? “Evaṃ, bhante”ti. “Uggaṇhāhi tvaṃ, bhikkhu, imaṃ dhammapariyāyaṃ; pariyāpuṇāhi tvaṃ, bhikkhu, imaṃ dhammapariyāyaṃ; dhārehi tvaṃ, bhikkhu, imaṃ dhammapariyāyaṃ. Atthasaṃhito ayaṃ, bhikkhu, dhammapariyāyo ādibrahmacariyako”ti. Pañcamaṃ.

46/(6). Aññatarabrāhmaṇasuttaṃ

　　 46. Sāvatthiyaṃ viharati. Atha kho aññataro brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho so brāhmaṇo bhagavantaṃ etadavoca–

　　 “Kiṃ nu kho, bho gotama, so karoti so paṭisaṃvedayatī”ti? “‘So karoti so paṭisaṃvedayatī’ti kho, brāhmaṇa, ayameko anto”.

　　 “Kiṃ pana, bho gotama, añño karoti, añño paṭisaṃvedayatī”ti? “‘Añño karoti, añño paṭisaṃvedayatī’ti kho, brāhmaṇa, ayaṃ dutiyo anto. Ete te, brāhmaṇa, ubho ante anupagamma majjhena tathāgato dhammaṃ deseti– ‘avijjāpaccayā saṅkhārā; saṅkhārapaccayā viññāṇaṃ …pe… evametassa kevalassa dukkhakkhandhassa samudayo hoti. Avijjāya tveva asesavirāganirodhā saṅkhāranirodho; saṅkhāranirodhā viññāṇanirodho …pe… evametassa kevalassa dukkhakkhandhassa nirodho hotī’”ti.

　　 Evaṃ vutte, so brāhmaṇo bhagavantaṃ etadavoca– “abhikkantaṃ, bho gotama, abhikkantaṃ, bho gotama, …pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gatan”ti. Chaṭṭhaṃ.

47/(7). Jāṇussoṇisuttaṃ

　　 47. Sāvatthiyaṃ viharati. Atha kho jāṇussoṇi brāhmaṇo yena bhagavā tenupasaṅkami; upasaṅkamitvā bhagavatā saddhiṃ …pe… ekamantaṃ nisinno kho jāṇussoṇi brāhmaṇo bhagavantaṃ etadavoca–

　　 “Kiṃ nu kho, bho, gotama, sabbamatthī”ti? “‘Sabbamatthī’ti kho, brāhmaṇa, ayameko anto”.

　　 “Kiṃ pana, bho gotama, sabbaṃ natthī”ti? “‘Sabbaṃ natthī’ti kho, brāhmaṇa, ayaṃ dutiyo anto. Ete te, brāhmaṇa, ubho ante anupagamma majjhena tathāgato dhammaṃ deseti– ‘avijjāpaccayā saṅkhārā; saṅkhārapaccayā viññāṇaṃ …pe… evametassa kevalassa dukkhakkhandhassa samudayo hoti. Avijjāya tveva asesavirāganirodhā saṅkhāranirodho; saṅkhāranirodhā viññāṇanirodho …pe… evametassa kevalassa dukkhakkhandhassa nirodho hotī’”ti.

　　 Evaṃ vutte, jāṇussoṇi brāhmaṇo bhagavantaṃ etadavoca “abhikkantaṃ bho gotama …pe… pāṇupetaṃ saraṇaṃ gatan”ti. Sattamaṃ.

48/(8). Lokāyatikasuttaṃ

　　 48. Sāvatthiyaṃ viharati. Atha kho lokāyatiko brāhmaṇo yena bhagavā …pe… ekamantaṃ nisinno kho lokāyatiko brāhmaṇo bhagavantaṃ etadavoca–

　　 “Kiṃ nu kho, bho gotama, sabbamatthī”ti? “‘Sabbamatthī’ti kho, brāhmaṇa, jeṭṭhametaṃ lokāyataṃ”.

　　 “Kiṃ pana, bho gotama, sabbaṃ natthī”ti? “‘Sabbaṃ natthī’ti kho, brāhmaṇa, dutiyametaṃ lokāyataṃ”.

　　 “Kiṃ nu kho, bho gotama, sabbamekattan”ti? “‘Sabbamekattan’ti kho, brāhmaṇa, tatiyametaṃ lokāyataṃ”.

　　 “Kiṃ pana, bho gotama, sabbaṃ puthuttan”ti? “‘Sabbaṃ puthuttan’ti kho, brāhmaṇa, catutthametaṃ lokāyataṃ”.

　　 “Ete te, brāhmaṇa, ubho ante anupagamma majjhena tathāgato dhammaṃ deseti– ‘avijjāpaccayā saṅkhārā; saṅkhārapaccayā viññāṇaṃ …pe… evametassa kevalassa dukkhakkhandhassa samudayo hoti. Avijjāya tveva asesavirāganirodhā saṅkhāranirodho; saṅkhāranirodhā viññāṇanirodho …pe… evametassa kevalassa dukkhakkhandhassa nirodho hotī’”ti.

　　 Evaṃ vutte, lokāyatiko brāhmaṇo bhagavantaṃ etadavoca– “abhikkantaṃ, bho gotama …pe… ajjatagge pāṇupetaṃ saraṇaṃ gatan”ti. Aṭṭhamaṃ.

49/(9). Ariyasāvakasuttaṃ

　　 49. Sāvatthiyaṃ viharati …pe… “na bhikkhave, sutavato ariyasāvakassa evaṃ hoti– ‘kiṃ nu kho kismiṃ sati kiṃ hoti, kissuppādā kiṃ uppajjati? (kismiṃ sati saṅkhārā honti, kismiṃ sati viññāṇaṃ hoti,) kismiṃ sati nāmarūpaṃ hoti, kismiṃ sati saḷāyatanaṃ hoti, kismiṃ sati phasso hoti, kismiṃ sati vedanā hoti, kismiṃ sati taṇhā hoti, kismiṃ sati upādānaṃ hoti, kismiṃ sati bhavo hoti, kismiṃ sati jāti hoti, kismiṃ sati jarāmaraṇaṃ hotī’”ti?

　　 “Atha kho, bhikkhave, sutavato ariyasāvakassa aparappaccayā ñāṇamevettha hoti– ‘imasmiṃ sati idaṃ hoti, imassuppādā idaṃ uppajjati. (avijjāya sati saṅkhārā honti; saṅkhāresu sati viññāṇaṃ hoti;) viññāṇe sati nāmarūpaṃ hoti; nāmarūpe sati saḷāyatanaṃ hoti saḷāyatane sati phasso hoti; phasse sati vedanā hoti; vedanāya sati taṇhā hoti; taṇhāya sati upādānaṃ hoti; upādāne sati bhavo hoti; bhave sati jāti hoti; jātiyā sati jarāmaraṇaṃ hotī’ti. So evaṃ pajānāti– ‘evamayaṃ loko samudayatī’”ti.

　　 “Na bhikkhave, sutavato ariyasāvakassa evaṃ hoti– ‘kiṃ nu kho kismiṃ asati kiṃ na hoti, kissa nirodhā kiṃ nirujjhati? (kismiṃ asati saṅkhārā na honti, kismiṃ asati viññāṇaṃ na hoti,) kismiṃ asati nāmarūpaṃ na hoti, kismiṃ asati saḷāyatanaṃ na hoti, kismiṃ asati phasso na hoti, kismiṃ asati vedanā na hoti, kismiṃ asati taṇhā na hoti, kismiṃ asati upādānaṃ na hoti, kismiṃ asati bhavo na hoti, kismiṃ asati jāti na hoti, kismiṃ asati jarāmaraṇaṃ na hotī’”ti?

　　 “Atha kho, bhikkhave, sutavato ariyasāvakassa aparappaccayā ñāṇamevettha hoti– ‘imasmiṃ asati idaṃ na hoti, imassa nirodhā idaṃ nirujjhati. (avijjāya asati saṅkhārā na honti; saṅkhāresu asati viññāṇaṃ na hoti;) viññāṇe asati nāmarūpaṃ na hoti; nāmarūpe asati saḷāyatanaṃ na hoti …pe… bhavo na hoti… jāti na hoti… jātiyā asati jarāmaraṇaṃ na hotī’ti. So evaṃ pajānāti– ‘evamayaṃ loko nirujjhatī’”ti.

　　 “Yato kho, bhikkhave, ariyasāvako evaṃ lokassa samudayañca atthaṅgamañca yathābhūtaṃ pajānāti, ayaṃ vuccati, bhikkhave, ariyasāvako diṭṭhisampanno itipi …pe… amatadvāraṃ āhacca tiṭṭhati itipī”ti. Navamaṃ.

50/(10). Dutiya-ariyasāvakasuttaṃ

　　 50. Sāvatthiyaṃ viharati …pe… “na, bhikkhave, sutavato ariyasāvakassa evaṃ hoti– ‘kiṃ nu kho kismiṃ sati kiṃ hoti, kissuppādā kiṃ uppajjati? Kismiṃ sati saṅkhārā honti, kismiṃ sati viññāṇaṃ hoti, kismiṃ sati nāmarūpaṃ hoti, kismiṃ sati saḷāyatanaṃ hoti, kismiṃ sati phasso hoti, kismiṃ sati vedanā hoti, kismiṃ sati taṇhā hoti, kismiṃ sati upādānaṃ hoti, kismiṃ sati bhavo hoti, kismiṃ sati jāti hoti, kismiṃ sati jarāmaraṇaṃ hotī’”ti?

　　 “Atha kho, bhikkhave, sutavato ariyasāvakassa aparappaccayā ñāṇamevettha hoti– ‘imasmiṃ sati idaṃ hoti, imassuppādā idaṃ uppajjati. Avijjāya sati saṅkhārā honti; saṅkhāresu sati viññāṇaṃ hoti; viññāṇe sati nāmarūpaṃ hoti; nāmarūpe sati saḷāyatanaṃ hoti; saḷāyatane sati phasso hoti; phasse sati vedanā hoti vedanāya sati taṇhā hoti; taṇhāya sati upādānaṃ hoti; upādāne sati bhavo hoti; bhave sati jāti hoti; jātiyā sati jarāmaraṇaṃ hotī’ti. So evaṃ pajānāti– ‘evamayaṃ loko samudayatī’”ti.

　　 “Na, bhikkhave, sutavato ariyasāvakassa evaṃ hoti– ‘kiṃ nu kho kismiṃ asati kiṃ na hoti, kissa nirodhā kiṃ nirujjhati? Kismiṃ asati saṅkhārā na honti, kismiṃ asati viññāṇaṃ na hoti, kismiṃ asati nāmarūpaṃ na hoti, kismiṃ asati saḷāyatanaṃ na hoti, kismiṃ asati phasso na hoti, kismiṃ asati vedanā na hoti, kismiṃ asati taṇhā na hoti …pe… upādānaṃ… bhavo… jāti… kismiṃ asati jarāmaraṇaṃ na hotī’”ti?

　　 “Atha kho, bhikkhave, sutavato ariyasāvakassa aparappaccayā ñāṇamevettha hoti– ‘imasmiṃ asati idaṃ na hoti, imassa nirodhā idaṃ nirujjhati. Avijjāya asati saṅkhārā na honti; saṅkhāresu asati viññāṇaṃ na hoti; viññāṇe asati nāmarūpaṃ na hoti; nāmarūpe asati saḷāyatanaṃ na hoti …pe… jātiyā asati jarāmaraṇaṃ na hotī’ti. So evaṃ pajānāti– ‘evamayaṃ loko nirujjhatī’”ti.

　　 “Yato kho, bhikkhave, ariyasāvako evaṃ lokassa samudayañca atthaṅgamañca yathābhūtaṃ pajānāti, ayaṃ vuccati, bhikkhave, ariyasāvako diṭṭhisampanno itipi, dassanasampanno itipi, āgato imaṃ saddhammaṃ itipi, passati imaṃ saddhammaṃ itipi, sekkhena ñāṇena samannāgato itipi sekkhāya vijjāya samannāgato itipi, dhammasotaṃ samāpanno itipi, ariyo nibbedhikapañño itipi, amatadvāraṃ āhacca tiṭṭhati itipī”ti. Dasamaṃ.

　　 Gahapativaggo pañcamo.

　　 Tassuddānaṃ–

　　 Dve pañcaverabhayā vuttā, dukkhaṃ loko ca ñātikaṃ;

　　 Aññataraṃ jāṇussoṇi ca, lokāyatikena aṭṭhamaṃ.

　　 Dve ariyasāvakā vuttā, vaggo tena pavuccatīti.