2. 比丘品

中部61经/给罗睺罗的教诲经(比丘品[7])

这是我亲身听闻到的，有个时候，佛陀住在王舍城竹林栗鼠喂食处。那时，罗睺罗尊者住在芒果树苗圃。傍晚时分，佛陀从独处起身，来到芒果树苗圃，来到罗睺罗尊者所在之处。罗睺罗尊者远远地看见佛陀走来。看到后，准备了座位，还有洗脚水。佛陀坐在准备好的座位上。坐下后洗了脚。罗睺罗尊者向佛陀礼敬后，坐在一旁。

这时，佛陀将少量剩水放在水器中，对罗睺罗尊者说："罗睺罗，你看到这水器中的少量剩水吗？"

"是的，世尊。" 

"罗睺罗，那些对故意说谎不知羞耻的人，他们的沙门身份就像这么少。"

然后佛陀把那少量剩水倒掉，对罗睺罗尊者说："罗睺罗，你看到这少量剩水被倒掉了吗？"

"是的，世尊。"

"罗睺罗，那些对故意说谎不知羞耻的人，他们的沙门身份就这样被倒掉了。"

然后佛陀把那水器倒扣，对罗睺罗尊者说："罗睺罗，你看到这水器被倒扣了吗？"

"是的，世尊。"

"罗睺罗，那些对故意说谎不知羞耻的人，他们的沙门身份就这样被倒扣了。"

然后佛陀把那水器翻正，对罗睺罗尊者说："罗睺罗，你看到这水器是空的、中空的吗？"

"是的，世尊。"

"罗睺罗，那些对故意说谎不知羞耻的人，他们的沙门身份就这样空洞、中空。罗睺罗，就像国王的战象，有象牙、高大、血统优良、习惯战场，上了战场后，用前脚作战，用后脚作战，用前身作战，用后身作战，用头作战，用耳朵作战，用象牙作战，用尾巴作战，但保护象鼻。这时象夫会想：'这头国王的战象，有象牙、高大、血统优良、习惯战场，上了战场后，用前脚作战，用后脚作战...用尾巴作战，但保护象鼻。这头国王的战象尚未舍弃生命。'罗睺罗，当那头国王的战象，有象牙、高大、血统优良、习惯战场，上了战场后，用前脚作战，用后脚作战...用尾巴作战，也用象鼻作战时，象夫会想：'这头国王的战象，有象牙、高大、血统优良、习惯战场，上了战场后，用前脚作战，用后脚作战，用前身作战，用后身作战，用头作战，用耳朵作战，用象牙作战，用尾巴作战，也用象鼻作战。这头国王的战象已经舍弃了生命。现在这头国王的战象已经无所不为了。'同样地，罗睺罗，对于那些对故意说谎不知羞耻的人，如来说他们什么恶事都做得出来。因此，罗睺罗，你应该这样学习：'即使开玩笑，我也不说谎'。罗睺罗，你应该这样学习。

"罗睺罗，你认为镜子有什么用？"

"世尊，是为了反省。"

"同样地，罗睺罗，在做身体的行为之前要反复反省，在说话之前要反复反省，在心里想事情之前要反复反省。罗睺罗，当你想要做某个身体行为时，你应该反省：'我想要做的这个身体行为，会不会导致自己受害，导致他人受害，导致双方受害？这是不善的身体行为，会带来痛苦，结果是痛苦吗？'如果你反省后认识到：'我想要做的这个身体行为，会导致自己受害，导致他人受害，导致双方受害。这是不善的身体行为，会带来痛苦，结果是痛苦。'那么，罗睺罗，你就绝对不应该做这样的身体行为。但是如果你反省后认识到：'我想要做的这个身体行为，不会导致自己受害，不会导致他人受害，不会导致双方受害。这是善的身体行为，会带来快乐，结果是快乐。'那么，罗睺罗，你就应该做这样的身体行为。

"罗睺罗，当你正在做某个身体行为时，你应该反省：'我正在做的这个身体行为，是否导致自己受害，导致他人受害，导致双方受害？这是不善的身体行为，会带来痛苦，结果是痛苦吗？'如果你反省后认识到：'我正在做的这个身体行为，导致自己受害，导致他人受害，导致双方受害。这是不善的身体行为，会带来痛苦，结果是痛苦。'那么，罗睺罗，你就应该停止这样的身体行为。但是如果你反省后认识到：'我正在做的这个身体行为，不会导致自己受害，不会导致他人受害，不会导致双方受害。这是善的身体行为，会带来快乐，结果是快乐。'那么，罗睺罗，你就应该继续这样的身体行为。

"罗睺罗，当你做完某个身体行为后，你应该反省：'我做的这个身体行为，是否导致自己受害，导致他人受害，导致双方受害？这是不善的身体行为，会带来痛苦，结果是痛苦吗？'如果你反省后认识到：'我做的这个身体行为，导致自己受害，导致他人受害，导致双方受害。这是不善的身体行为，会带来痛苦，结果是痛苦。'那么，罗睺罗，你应该向导师或有智慧的同修坦白、公开、解释这样的身体行为；坦白、公开、解释后，以后要谨慎约束。但是如果你反省后认识到：'我做的这个身体行为，不会导致自己受害，不会导致他人受害，不会导致双方受害。这是善的身体行为，会带来快乐，结果是快乐。'那么，罗睺罗，你就应该以此喜悦愉快地昼夜精进修习善法。

"罗睺罗，当你想要说某句话时，你应该反省：'我想要说的这句话，会不会导致自己受害，导致他人受害，导致双方受害？这是不善的语言行为，会带来痛苦，结果是痛苦吗？'如果你反省后认识到：'我想要说的这句话，会导致自己受害，导致他人受害，导致双方受害。这是不善的语言行为，会带来痛苦，结果是痛苦。'那么，罗睺罗，你就绝对不应该说这样的话。但是如果你反省后认识到：'我想要说的这句话，不会导致自己受害，不会导致他人受害，不会导致双方受害。这是善的语言行为，会带来快乐，结果是快乐。'那么，罗睺罗，你就应该说这样的话。

"罗睺罗，当你正在说某句话时，你应该反省：'我正在说的这句话，是否导致自己受害，导致他人受害，导致双方受害？这是不善的语言行为，会带来痛苦，结果是痛苦吗？'如果你反省后认识到：'我正在说的这句话，导致自己受害，导致他人受害，导致双方受害。这是不善的语言行为，会带来痛苦，结果是痛苦。'那么，罗睺罗，你就应该停止说这样的话。但是如果你反省后认识到：'我正在说的这句话，不会导致自己受害，不会导致他人受害，不会导致双方受害。这是善的语言行为，会带来快乐，结果是快乐。'那么，罗睺罗，你就应该继续说这样的话。

"罗睺罗，当你说完某句话后，你应该反省：'我说的这句话，是否导致自己受害，导致他人受害，导致双方受害？这是不善的语言行为，会带来痛苦，结果是痛苦吗？'如果你反省后认识到：'我说的这句话，导致自己受害，导致他人受害，导致双方受害。这是不善的语言行为，会带来痛苦，结果是痛苦。'那么，罗睺罗，你应该向导师或有智慧的同修坦白、公开、解释这样的语言行为；坦白、公开、解释后，以后要谨慎约束。但是如果你反省后认识到：'我说的这句话，不会导致自己受害，不会导致他人受害，不会导致双方受害。这是善的语言行为，会带来快乐，结果是快乐。'那么，罗睺罗，你就应该以此喜悦愉快地昼夜精进修习善法。

"罗睺罗，当你想要做某个心理行为时，你应该反省：'我想要做的这个心理行为，会不会导致自己受害，导致他人受害，导致双方受害？这是不善的心理行为，会带来痛苦，结果是痛苦吗？'如果你反省后认识到：'我想要做的这个心理行为，会导致自己受害，导致他人受害，导致双方受害。这是不善的心理行为，会带来痛苦，结果是痛苦。'那么，罗睺罗，你就绝对不应该做这样的心理行为。但是如果你反省后认识到：'我想要做的这个心理行为，不会导致自己受害，不会导致他人受害，不会导致双方受害。这是善的心理行为，会带来快乐，结果是快乐。'那么，罗睺罗，你就应该做这样的心理行为。

"罗睺罗，当你正在做某个心理行为时，你应该反省：'我正在做的这个心理行为，是否导致自己受害，导致他人受害，导致双方受害？这是不善的心理行为，会带来痛苦，结果是痛苦吗？'如果你反省后认识到：'我正在做的这个心理行为，导致自己受害，导致他人受害，导致双方受害。这是不善的心理行为，会带来痛苦，结果是痛苦。'那么，罗睺罗，你就应该停止这样的心理行为。但是如果你反省后认识到：'我正在做的这个心理行为，不会导致自己受害，不会导致他人受害，不会导致双方受害。这是善的心理行为，会带来快乐，结果是快乐。'那么，罗睺罗，你就应该继续这样的心理行为。

"罗睺罗，当你做完某个心理行为后，你应该反省：'我做的这个心理行为，是否导致自己受害，导致他人受害，导致双方受害？这是不善的心理行为，会带来痛苦，结果是痛苦吗？'如果你反省后认识到：'我做的这个心理行为，导致自己受害，导致他人受害，导致双方受害。这是不善的心理行为，会带来痛苦，结果是痛苦。'那么，罗睺罗，你应该对这样的心理行为感到不安、羞耻、厌恶；感到不安、羞耻、厌恶后，以后要谨慎约束。但是如果你反省后认识到：'我做的这个心理行为，不会导致自己受害，不会导致他人受害，不会导致双方受害。这是善的心理行为，会带来快乐，结果是快乐。'那么，罗睺罗，你就应该以此喜悦愉快地昼夜精进修习善法。

"罗睺罗，过去的沙门、婆罗门，凡是净化了身体行为、语言行为、心理行为的，都是这样反复反省后净化了身体行为，反复反省后净化了语言行为，反复反省后净化了心理行为。罗睺罗，未来的沙门、婆罗门，凡是将要净化身体行为、语言行为、心理行为的，都将这样反复反省后净化身体行为，反复反省后净化语言行为，反复反省后净化心理行为。罗睺罗，现在的沙门、婆罗门，凡是正在净化身体行为、语言行为、心理行为的，都是这样反复反省后净化身体行为，反复反省后净化语言行为，反复反省后净化心理行为。因此，罗睺罗，你应该这样学习：'我将反复反省后净化身体行为，反复反省后净化语言行为，反复反省后净化心理行为。'罗睺罗，你应该这样学习。"

佛陀说了这番话。罗睺罗尊者欢喜，随喜佛陀所说。

给罗睺罗的教诲经结束。

巴利语原版经文

2. Bhikkhuvaggo

MN.61/(1) Ambalaṭṭhikarāhulovādasuttaṃ

　　 107. Evaṃ me sutaṃ– ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena āyasmā rāhulo ambalaṭṭhikāyaṃ viharati. Atha kho bhagavā sāyanhasamayaṃ paṭisallānā vuṭṭhito yena ambalaṭṭhikā yenāyasmā rāhulo tenupasaṅkami. Addasā kho āyasmā rāhulo bhagavantaṃ dūratova āgacchantaṃ. Disvāna āsanaṃ paññāpesi, udakañca pādānaṃ. Nisīdi bhagavā paññatte āsane. Nisajja pāde pakkhālesi. Āyasmāpi kho rāhulo bhagavantaṃ abhivādetvā ekamantaṃ nisīdi.

　　 108. Atha kho bhagavā parittaṃ udakāvasesaṃ udakādhāne ṭhapetvā āyasmantaṃ rāhulaṃ āmantesi– “passasi no tvaṃ, rāhula, imaṃ parittaṃ udakāvasesaṃ udakādhāne ṭhapitan”ti? “Evaṃ, bhante”. “Evaṃ parittakaṃ kho, rāhula, tesaṃ sāmaññaṃ yesaṃ natthi sampajānamusāvāde lajjā”ti. Atha kho bhagavā parittaṃ udakāvasesaṃ chaḍḍetvā āyasmantaṃ rāhulaṃ āmantesi– “passasi no tvaṃ, rāhula, parittaṃ udakāvasesaṃ chaḍḍitan”ti? “Evaṃ, bhante”. “Evaṃ chaḍḍitaṃ kho, rāhula, tesaṃ sāmaññaṃ yesaṃ natthi sampajānamusāvāde lajjā”ti. Atha kho bhagavā taṃ udakādhānaṃ nikkujjitvā āyasmantaṃ rāhulaṃ āmantesi– “passasi no tvaṃ, rāhula, imaṃ udakādhānaṃ nikkujjitan”ti? “Evaṃ, bhante”. “Evaṃ nikkujjitaṃ kho, rāhula, tesaṃ sāmaññaṃ yesaṃ natthi sampajānamusāvāde lajjā”ti. Atha kho bhagavā taṃ udakādhānaṃ ukkujjitvā āyasmantaṃ rāhulaṃ āmantesi– “passasi no tvaṃ, rāhula, imaṃ udakādhānaṃ rittaṃ tucchan”ti? “Evaṃ, bhante”. “Evaṃ rittaṃ tucchaṃ kho, rāhula, tesaṃ sāmaññaṃ yesaṃ natthi sampajānamusāvāde lajjāti. Seyyathāpi, rāhula, rañño nāgo īsādanto urūḷhavā abhijāto saṅgāmāvacaro saṅgāmagato purimehipi pādehi kammaṃ karoti, pacchimehipi pādehi kammaṃ karoti, purimenapi kāyena kammaṃ karoti, pacchimenapi kāyena kammaṃ karoti, sīsenapi kammaṃ karoti, kaṇṇehipi kammaṃ karoti, dantehipi kammaṃ karoti, naṅguṭṭhenapi kammaṃ karoti; rakkhateva soṇḍaṃ. Tattha hatthārohassa evaṃ hoti– ‘ayaṃ kho rañño nāgo īsādanto urūḷhavā abhijāto saṅgāmāvacaro saṅgāmagato purimehipi pādehi kammaṃ karoti, pacchimehipi pādehi kammaṃ karoti …pe… naṅguṭṭhenapi kammaṃ karoti; rakkhateva soṇḍaṃ Apariccattaṃ kho rañño nāgassa jīvitan’ti. Yato kho, rāhula, rañño nāgo īsādanto urūḷhavā abhijāto saṅgāmāvacaro saṅgāmagato purimehipi pādehi kammaṃ karoti, pacchimehipi pādehi kammaṃ karoti …pe… naṅguṭṭhenapi kammaṃ karoti, soṇḍāyapi kammaṃ karoti, tattha hatthārohassa evaṃ hoti– ‘ayaṃ kho rañño nāgo īsādanto urūḷhavā abhijāto saṅgāmāvacaro saṅgāmagato purimehipi pādehi kammaṃ karoti, pacchimehipi pādehi kammaṃ karoti, purimenapi kāyena kammaṃ karoti, pacchimenapi kāyena kammaṃ karoti, sīsenapi kammaṃ karoti, kaṇṇehipi kammaṃ karoti, dantehipi kammaṃ karoti, naṅguṭṭhenapi kammaṃ karoti, soṇḍāyapi kammaṃ karoti. Pariccattaṃ kho rañño nāgassa jīvitaṃ. Natthi dāni kiñci rañño nāgassa akaraṇīyan’ti. Evameva kho, rāhula, yassa kassaci sampajānamusāvāde natthi lajjā, nāhaṃ tassa kiñci pāpaṃ akaraṇīyanti vadāmi. Tasmātiha te, rāhula, ‘hassāpi na musā bhaṇissāmī’ti– evañhi te, rāhula, sikkhitabbaṃ.

　　 109. “Taṃ kiṃ maññasi, rāhula, kimatthiyo ādāso”ti? “Paccavekkhaṇattho, bhante”ti. “Evameva kho, rāhula, paccavekkhitvā paccavekkhitvā kāyena kammaṃ kattabbaṃ, paccavekkhitvā paccavekkhitvā vācāya kammaṃ kattabbaṃ, paccavekkhitvā paccavekkhitvā manasā kammaṃ kattabbaṃ. Yadeva tvaṃ, rāhula, kāyena kammaṃ kattukāmo ahosi, tadeva te kāyakammaṃ paccavekkhitabbaṃ– ‘yaṃ nu kho ahaṃ idaṃ kāyena kammaṃ kattukāmo idaṃ me kāyakammaṃ attabyābādhāyapi saṃvatteyya, parabyābādhāyapi saṃvatteyya, ubhayabyābādhāyapi saṃvatteyya– akusalaṃ idaṃ kāyakammaṃ dukkhudrayaṃ dukkhavipākan’ti? Sace tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ kāyena kammaṃ kattukāmo idaṃ me kāyakammaṃ attabyābādhāyapi saṃvatteyya, parabyābādhāyapi saṃvatteyya, ubhayabyābādhāyapi saṃvatteyya– akusalaṃ idaṃ kāyakammaṃ dukkhudrayaṃ dukkhavipākan’ti, evarūpaṃ te, rāhula, kāyena kammaṃ sasakkaṃ na karaṇīyaṃ. Sace pana tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ kāyena kammaṃ kattukāmo idaṃ me kāyakammaṃ nevattabyābādhāyapi saṃvatteyya, na parabyābādhāyapi saṃvatteyya, na ubhayabyābādhāyapi saṃvatteyya– kusalaṃ idaṃ kāyakammaṃ sukhudrayaṃ sukhavipākan’ti, evarūpaṃ te, rāhula, kāyena kammaṃ karaṇīyaṃ.

　　 “Karontenapi te, rāhula, kāyena kammaṃ tadeva te kāyakammaṃ paccavekkhitabbaṃ– ‘yaṃ nu kho ahaṃ idaṃ kāyena kammaṃ karomi idaṃ me kāyakammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati– akusalaṃ idaṃ kāyakammaṃ dukkhudrayaṃ dukkhavipākan’ti? Sace pana tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ kāyena kammaṃ karomi idaṃ me kāyakammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati– akusalaṃ idaṃ kāyakammaṃ dukkhudrayaṃ dukkhavipākan’ti, paṭisaṃhareyyāsi tvaṃ, rāhula, evarūpaṃ kāyakammaṃ. Sace pana tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ kāyena kammaṃ karomi idaṃ me kāyakammaṃ nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati– kusalaṃ idaṃ kāyakammaṃ sukhudrayaṃ sukhavipākan’ti, anupadajjeyyāsi tvaṃ, rāhula, evarūpaṃ kāyakammaṃ.

　　 “Katvāpi te, rāhula, kāyena kammaṃ tadeva te kāyakammaṃ paccavekkhitabbaṃ– ‘yaṃ nu kho ahaṃ idaṃ kāyena kammaṃ akāsiṃ idaṃ me kāyakammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati– akusalaṃ idaṃ kāyakammaṃ dukkhudrayaṃ dukkhavipākan’ti? Sace kho tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ kāyena kammaṃ akāsiṃ, idaṃ me kāyakammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati– akusalaṃ idaṃ kāyakammaṃ dukkhudrayaṃ dukkhavipākan’ti, evarūpaṃ te, rāhula, kāyakammaṃ satthari vā viññūsu vā sabrahmacārīsu desetabbaṃ, vivaritabbaṃ, uttānīkātabbaṃ; desetvā vivaritvā uttānīkatvā āyatiṃ saṃvaraṃ āpajjitabbaṃ Sace pana tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ kāyena kammaṃ akāsiṃ idaṃ me kāyakammaṃ nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati– kusalaṃ idaṃ kāyakammaṃ sukhudrayaṃ sukhavipākan’ti, teneva tvaṃ, rāhula, pītipāmojjena vihareyyāsi ahorattānusikkhī kusalesu dhammesu.

　　 110. “Yadeva tvaṃ, rāhula, vācāya kammaṃ kattukāmo ahosi, tadeva te vacīkammaṃ paccavekkhitabbaṃ– ‘yaṃ nu kho ahaṃ idaṃ vācāya kammaṃ kattukāmo idaṃ me vacīkammaṃ attabyābādhāyapi saṃvatteyya, parabyābādhāyapi saṃvatteyya, ubhayabyābādhāyapi saṃvatteyya– akusalaṃ idaṃ vacīkammaṃ dukkhudrayaṃ dukkhavipākan’ti? Sace tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ vācāya kammaṃ kattukāmo idaṃ me vacīkammaṃ attabyābādhāyapi saṃvatteyya, parabyābādhāyapi saṃvatteyya, ubhayabyābādhāyapi saṃvatteyya– akusalaṃ idaṃ vacīkammaṃ dukkhudrayaṃ dukkhavipākan’ti, evarūpaṃ te, rāhula, vācāya kammaṃ sasakkaṃ na karaṇīyaṃ. Sace pana tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ vācāya kammaṃ kattukāmo idaṃ me vacīkammaṃ nevattabyābādhāyapi saṃvatteyya, na parabyābādhāyapi saṃvatteyya– kusalaṃ idaṃ vacīkammaṃ sukhudrayaṃ sukhavipākan’ti, evarūpaṃ te, rāhula, vācāya kammaṃ karaṇīyaṃ.

　　 “Karontenapi, rāhula, vācāya kammaṃ tadeva te vacīkammaṃ paccavekkhitabbaṃ– ‘yaṃ nu kho ahaṃ idaṃ vācāya kammaṃ karomi idaṃ me vacīkammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati– akusalaṃ idaṃ vacīkammaṃ dukkhudrayaṃ dukkhavipākan’ti? Sace pana tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ vācāya kammaṃ karomi idaṃ me vacīkammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati– akusalaṃ idaṃ vacīkammaṃ dukkhudrayaṃ dukkhavipākan’ti, paṭisaṃhareyyāsi tvaṃ, rāhula, evarūpaṃ vacīkammaṃ. Sace pana tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ vācāya kammaṃ karomi idaṃ me vacīkammaṃ nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati kusalaṃ idaṃ vacīkammaṃ sukhudrayaṃ sukhavipākan’ti, anupadajjeyyāsi, tvaṃ rāhula, evarūpaṃ vacīkammaṃ.

　　 “Katvāpi te, rāhula, vācāya kammaṃ tadeva te vacīkammaṃ paccavekkhitabbaṃ– ‘yaṃ nu kho ahaṃ idaṃ vācāya kammaṃ akāsiṃ idaṃ me vacīkammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati– akusalaṃ idaṃ vacīkammaṃ dukkhudrayaṃ dukkhavipākan’ti? Sace kho tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ vācāya kammaṃ akāsiṃ idaṃ me vacīkammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati– akusalaṃ idaṃ vacīkammaṃ dukkhudrayaṃ dukkhavipākan’ti, evarūpaṃ te, rāhula, vacīkammaṃ satthari vā viññūsu vā sabrahmacārīsu desetabbaṃ, vivaritabbaṃ, uttānīkattabbaṃ desetvā vivaritvā uttānīkatvā āyatiṃ saṃvaraṃ āpajjitabbaṃ. Sace pana tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ vācāya kammaṃ akāsiṃ idaṃ me vacīkammaṃ nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati– kusalaṃ idaṃ vacīkammaṃ sukhudrayaṃ sukhavipākan’ti, teneva tvaṃ, rāhula, pītipāmojjena vihareyyāsi ahorattānusikkhī kusalesu dhammesu.

　　 111. “Yadeva tvaṃ, rāhula, manasā kammaṃ kattukāmo ahosi, tadeva te manokammaṃ paccavekkhitabbaṃ– ‘yaṃ nu kho ahaṃ idaṃ manasā kammaṃ kattukāmo idaṃ me manokammaṃ attabyābādhāyapi saṃvatteyya, parabyābādhāyapi saṃvatteyya, ubhayabyābādhāyapi saṃvatteyya– akusalaṃ idaṃ manokammaṃ dukkhudrayaṃ dukkhavipākan’ti? Sace tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ manasā kammaṃ kattukāmo idaṃ me manokammaṃ attabyābādhāyapi saṃvatteyya, parabyābādhāyapi saṃvatteyya, ubhayabyābādhāyapi saṃvatteyya– akusalaṃ idaṃ manokammaṃ dukkhudrayaṃ dukkhavipākan’ti, evarūpaṃ te, rāhula, manasā kammaṃ sasakkaṃ na karaṇīyaṃ. Sace pana tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ manasā kammaṃ kattukāmo idaṃ me manokammaṃ nevattabyābādhāyapi saṃvatteyya, na parabyābādhāyapi saṃvatteyya, na ubhayabyābādhāyapi saṃvatteyya– kusalaṃ idaṃ manokammaṃ sukhudrayaṃ sukhavipākan’ti, evarūpaṃ te, rāhula, manasā kammaṃ karaṇīyaṃ.

　　 “Karontenapi te, rāhula, manasā kammaṃ tadeva te manokammaṃ paccavekkhitabbaṃ– ‘yaṃ nu kho ahaṃ idaṃ manasā kammaṃ karomi idaṃ me manokammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati– akusalaṃ idaṃ manokammaṃ dukkhudrayaṃ dukkhavipākan’ti? Sace pana tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ manasā kammaṃ karomi idaṃ me manokammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati– akusalaṃ idaṃ manokammaṃ dukkhudrayaṃ dukkhavipākan’ti, paṭisaṃhareyyāsi tvaṃ, rāhula, evarūpaṃ manokammaṃ. Sace pana tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ manasā kammaṃ karomi idaṃ me manokammaṃ nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati– kusalaṃ idaṃ manokammaṃ sukhudrayaṃ sukhavipākan’ti, anupadajjeyyāsi tvaṃ, rāhula, evarūpaṃ manokammaṃ.

　　 “Katvāpi te, rāhula, manasā kammaṃ tadeva te manokammaṃ paccavekkhitabbaṃ– ‘yaṃ nu kho ahaṃ idaṃ manasā kammaṃ akāsiṃ idaṃ me manokammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati– akusalaṃ idaṃ manokammaṃ dukkhudrayaṃ dukkhavipākan’ti? Sace kho tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ manasā kammaṃ akāsiṃ idaṃ me manokammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati– akusalaṃ idaṃ manokammaṃ dukkhudrayaṃ dukkhavipākan’ti, evarūpaṃ pana te, rāhula, manokammaṃ aṭṭīyitabbaṃ harāyitabbaṃ jigucchitabbaṃ; aṭṭīyitvā harāyitvā jigucchitvā āyatiṃ saṃvaraṃ āpajjitabbaṃ. Sace pana tvaṃ, rāhula, paccavekkhamāno evaṃ jāneyyāsi– ‘yaṃ kho ahaṃ idaṃ manasā kammaṃ akāsiṃ idaṃ me manokammaṃ nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati– kusalaṃ idaṃ manokammaṃ sukhudrayaṃ sukhavipākan’ti, teneva tvaṃ, rāhula, pītipāmojjena vihareyyāsi ahorattānusikkhī kusalesu dhammesu.

　　 112. “Ye hi keci, rāhula, atītamaddhānaṃ samaṇā vā brāhmaṇā vā kāyakammaṃ parisodhesuṃ, vacīkammaṃ parisodhesuṃ, manokammaṃ parisodhesuṃ, sabbe te evamevaṃ paccavekkhitvā paccavekkhitvā kāyakammaṃ parisodhesuṃ, paccavekkhitvā paccavekkhitvā vacīkammaṃ parisodhesuṃ, paccavekkhitvā paccavekkhitvā manokammaṃ parisodhesuṃ. Yepi hi keci, rāhula, anāgatamaddhānaṃ samaṇā vā brāhmaṇā vā kāyakammaṃ parisodhessanti, vacīkammaṃ parisodhessanti, manokammaṃ parisodhessanti, sabbe te evamevaṃ paccavekkhitvā paccavekkhitvā kāyakammaṃ parisodhessanti, paccavekkhitvā paccavekkhitvā vacīkammaṃ parisodhessanti paccavekkhitvā paccavekkhitvā manokammaṃ parisodhessanti. Yepi hi keci, rāhula, etarahi samaṇā vā brāhmaṇā vā kāyakammaṃ parisodhenti, vacīkammaṃ parisodhenti, manokammaṃ parisodhenti, sabbe te evamevaṃ paccavekkhitvā paccavekkhitvā kāyakammaṃ parisodhenti, paccavekkhitvā paccavekkhitvā vacīkammaṃ parisodhenti, paccavekkhitvā paccavekkhitvā manokammaṃ parisodhenti. Tasmātiha, rāhula, ‘paccavekkhitvā paccavekkhitvā kāyakammaṃ parisodhessāmi, paccavekkhitvā paccavekkhitvā vacīkammaṃ parisodhessāmi, paccavekkhitvā paccavekkhitvā manokammaṃ parisodhessāmī’ti– evañhi te, rāhula, sikkhitabban”ti.

　　 Idamavoca bhagavā. Attamano āyasmā rāhulo bhagavato bhāsitaṃ abhinandīti.

　　 Ambalaṭṭhikarāhulovādasuttaṃ niṭṭhitaṃ paṭhamaṃ.