中部46经/大法受持经(双小品[5])

这是我亲身听闻到的。有个时候，佛陀住在舍卫城祇树林给孤独园。在那里，佛陀对比丘们说："比丘们。"那些比丘回答说："世尊。"

佛陀说道："比丘们，大多数众生都有这样的愿望、欲求和意向：'但愿不喜欢的、不可意的、不可爱的事物消失，而喜欢的、可意的、可爱的事物增长。'然而，对于这些有如此愿望、欲求和意向的众生来说，不喜欢的、不可意的、不可爱的事物反而增长，而喜欢的、可意的、可爱的事物反而消失。比丘们，你们认为这是什么原因？"

"世尊，我们的法以世尊为根本，以世尊为导师，以世尊为皈依。善哉，世尊，请为我们解释这句话的含义。听了世尊的解释，比丘们将会记住的。"

"那么，比丘们，你们要仔细听，好好思考，如来将为你们讲说。"那些比丘回答说："是的，世尊。"

佛陀于是这样说："在这里，比丘们，无闻凡夫不见圣者，不知圣法，不善巧于圣法，未受圣法训练；不见善人，不知善人法，不善巧于善人法，未受善人法训练。他不知应当亲近的法，不知不应亲近的法；不知应当结交的法，不知不应结交的法。他因为不知应当亲近的法和不应亲近的法，不知应当结交的法和不应结交的法，所以亲近不应亲近的法，不亲近应当亲近的法；结交不应结交的法，不结交应当结交的法。当他亲近不应亲近的法，不亲近应当亲近的法；结交不应结交的法，不结交应当结交的法时，不喜欢的、不可意的、不可爱的事物就会增长，而喜欢的、可意的、可爱的事物就会消失。这是什么原因呢？比丘们，这就是无知者的结果。

而多闻圣弟子见到圣者，知晓圣法，善巧于圣法，善受圣法训练；见到善人，知晓善人法，善巧于善人法，善受善人法训练。他知道应当亲近的法，知道不应亲近的法；知道应当结交的法，知道不应结交的法。他因为知道应当亲近的法和不应亲近的法，知道应当结交的法和不应结交的法，所以不亲近不应亲近的法，亲近应当亲近的法；不结交不应结交的法，结交应当结交的法。当他不亲近不应亲近的法，亲近应当亲近的法；不结交不应结交的法，结交应当结交的法时，不喜欢的、不可意的、不可爱的事物就会消失，而喜欢的、可意的、可爱的事物就会增长。这是什么原因呢？比丘们，这就是有知者的结果。

比丘们，有四种法的受持。哪四种呢？有现在是苦，未来也是苦报的法的受持；有现在是乐，未来是苦报的法的受持；有现在是苦，未来是乐报的法的受持；有现在是乐，未来也是乐报的法的受持。

比丘们，什么是现在是苦，未来也是苦报的法的受持呢？在这里，比丘们，有人伴随着痛苦和忧恼杀生，因杀生而感受痛苦和忧恼；伴随着痛苦和忧恼偷盗，因偷盗而感受痛苦和忧恼；伴随着痛苦和忧恼邪淫（邪淫解释：又作欲邪行，为十恶之一。即在家者不可为之恶行之一，以男性而言，指与妻子以外之女性行淫，又虽与妻子，但行于不适当之时间、场所、方法等，亦为邪淫。邪淫者必受现世及后世之恶报），因邪淫而感受痛苦和忧恼；伴随着痛苦和忧恼妄语，因妄语而感受痛苦和忧恼（妄语解释：说虚假不真实的话。妄语有大妄语和小妄语的分别，大妄语是未得圣道而说我已得圣道，或者说我有工夫受天龙鬼神的供养等等；小妄语就是一切不真实的说话）；伴随着痛苦和忧恼两舌（两舌解释：即于两者间搬弄是非、挑拨离间，破坏彼此之和合者，称为两舌。又作离间语、两舌语。为十恶业之一），因两舌而感受痛苦和忧恼；伴随着痛苦和忧恼恶口（恶口解释：用粗暴恶毒的话骂人，是十恶之一），因恶口而感受痛苦和忧恼；伴随着痛苦和忧恼绮语（绮语解释：说无礼义不正经的话，是十恶之一），因绮语而感受痛苦和忧恼；伴随着痛苦和忧恼贪婪，因贪婪而感受痛苦和忧恼；伴随着痛苦和忧恼瞋恚（瞋恚解释：愤怒，生气），因瞋恚而感受痛苦和忧恼；伴随着痛苦和忧恼邪见（邪见解释：指不正之执见，主要指拨无四谛因果之道理者。以为世间无可招结果之原因，亦无由原因而生之结果，而谓恶不足畏，善亦不足喜等之谬见，即是邪见。盖俱舍家谓拨无因果为邪见；唯识家则主张拨无因果及四见以外之所有邪执，均称为邪见），因邪见而感受痛苦和忧恼。他身坏命终后，会生到恶趣、恶道、堕处、地狱（恶趣解释：恶劣的地方，不幸受苦的地方）。比丘们，这就叫做现在是苦，未来也是苦报的法的受持。

比丘们，什么是现在是乐，未来是苦报的法的受持呢？在这里，比丘们，有人伴随着快乐和喜悦杀生，因杀生而感受快乐和喜悦；伴随着快乐和喜悦偷盗，因偷盗而感受快乐和喜悦；伴随着快乐和喜悦邪淫，因邪淫而感受快乐和喜悦；伴随着快乐和喜悦妄语，因妄语而感受快乐和喜悦；伴随着快乐和喜悦两舌，因两舌而感受快乐和喜悦；伴随着快乐和喜悦恶口，因恶口而感受快乐和喜悦；伴随着快乐和喜悦绮语，因绮语而感受快乐和喜悦；伴随着快乐和喜悦贪婪，因贪婪而感受快乐和喜悦；伴随着快乐和喜悦瞋恚，因瞋恚而感受快乐和喜悦；伴随着快乐和喜悦邪见，因邪见而感受快乐和喜悦。他身坏命终后，会生到恶趣、恶道、堕处、地狱。比丘们，这就叫做现在是乐，未来是苦报的法的受持。

比丘们，什么是现在是苦，未来是乐报的法的受持呢？在这里，比丘们，有人伴随着痛苦和忧恼远离杀生，因远离杀生而感受痛苦和忧恼；伴随着痛苦和忧恼远离偷盗，因远离偷盗而感受痛苦和忧恼；伴随着痛苦和忧恼远离邪淫，因远离邪淫而感受痛苦和忧恼；伴随着痛苦和忧恼远离妄语，因远离妄语而感受痛苦和忧恼；伴随着痛苦和忧恼远离两舌，因远离两舌而感受痛苦和忧恼；伴随着痛苦和忧恼远离恶口，因远离恶口而感受痛苦和忧恼；伴随着痛苦和忧恼远离绮语，因远离绮语而感受痛苦和忧恼；伴随着痛苦和忧恼不贪婪，因不贪婪而感受痛苦和忧恼；伴随着痛苦和忧恼无瞋恚，因无瞋恚而感受痛苦和忧恼；伴随着痛苦和忧恼正见，因正见而感受痛苦和忧恼。他身坏命终后，会生到善趣、天界（善趣解释：谓由善之业因而趣往之所在，即指天界等。又称善处、善道。相对于恶趣、恶处、恶道；天界解释，见第八百零五章）。比丘们，这就叫做现在是苦，未来是乐报的法的受持。

比丘们，什么是现在是乐，未来也是乐报的法的受持呢？在这里，比丘们，有人伴随着快乐和喜悦远离杀生，因远离杀生而感受快乐和喜悦；伴随着快乐和喜悦远离偷盗，因远离偷盗而感受快乐和喜悦；伴随着快乐和喜悦远离邪淫，因远离邪淫而感受快乐和喜悦；伴随着快乐和喜悦远离妄语，因远离妄语而感受快乐和喜悦；伴随着快乐和喜悦远离两舌，因远离两舌而感受快乐和喜悦；伴随着快乐和喜悦远离恶口，因远离恶口而感受快乐和喜悦；伴随着快乐和喜悦远离绮语，因远离绮语而感受快乐和喜悦；伴随着快乐和喜悦不贪婪，因不贪婪而感受快乐和喜悦；伴随着快乐和喜悦无瞋恚，因无瞋恚而感受快乐和喜悦；伴随着快乐和喜悦正见（正见解释：正确的见解，也就是对因果、事理、四谛与三法印等、信受理解，并以之作为自己的见地，为八正道之一。八正道以正见为首，当然以正见为最重要，因为有了正见，对於事理才有正确的认识，就能破谬妄偏差的俗知俗见，悟入正道），因正见而感受快乐和喜悦。他身坏命终后，会生到善趣、天界。比丘们，这就叫做现在是乐，未来也是乐报的法的受持。比丘们，这就是四种法的受持。

比丘们，就好比有一个苦瓜混合了毒药。然后有一个人来了，他想要活命，不想死，想要快乐，厌恶痛苦。人们对他说：'喂，这个人，这是一个混合了毒药的苦瓜，如果你想喝就喝吧。当你喝的时候，它的颜色、气味、味道都不会让你满意，而且喝了之后你会死亡或遭受濒死般的痛苦。'他不加思考就喝了，没有放弃。当他喝的时候，它的颜色、气味、味道都不让他满意，而且喝了之后他死亡或遭受濒死般的痛苦。比丘们，如来说这种法的受持就像这个比喻，也就是现在是苦，未来也是苦报的法的受持。

比丘们，就好比有一个颜色好看、气味芳香、味道美味的饮料杯。然而，它混合了毒药。然后有一个人来了，他想要活命，不想死，想要快乐，厌恶痛苦。人们对他说：'喂，这个人，这是一个颜色好看、气味芳香、味道美味的饮料杯，但是它混合了毒药。如果你想喝就喝吧。当你喝的时候，它的颜色、气味、味道会让你满意，但是喝了之后你会死亡或遭受濒死般的痛苦。'他不加思考就喝了，没有放弃。当他喝的时候，它的颜色、气味、味道让他满意，但是喝了之后他死亡或遭受濒死般的痛苦。比丘们，如来说这种法的受持就像这个比喻，也就是现在是乐，未来是苦报的法的受持。

比丘们，就好比有发酵的尿液混合了各种药物。然后有一个患黄疸病的人来了。人们对他说：'喂，这个人，这是发酵的尿液混合了各种药物，如果你想喝就喝吧。当你喝的时候，它的颜色、气味、味道不会让你满意，但是喝了之后你会变得快乐。'他经过思考后就喝了，没有放弃。当他喝的时候，它的颜色、气味、味道不让他满意，但是喝了之后他变得快乐。比丘们，如来说这种法的受持就像这个比喻，也就是现在是苦，未来是乐报的法的受持。

比丘们，就好比有酸奶、蜂蜜、酥油和糖浆混合在一起。然后有一个患痢疾的人来了。人们对他说：'喂，这个人，这是酸奶、蜂蜜、酥油和糖浆混合在一起，如果你想喝就喝吧。当你喝的时候，它的颜色、气味、味道会让你满意，而且喝了之后你会变得快乐。'他经过思考后就喝了，没有放弃。当他喝的时候，它的颜色、气味、味道让他满意，而且喝了之后他变得快乐。比丘们，如来说这种法的受持就像这个比喻，也就是现在是乐，未来也是乐报的法的受持。

比丘们，就像在雨季的最后一个月，在秋天，当天空万里无云时，太阳升起，驱散了所有的黑暗，发光、发热、闪耀。同样地，比丘们，这种现在是乐，未来也是乐报的法的受持，驱散了其他各种沙门婆罗门的教说，发光、发热、闪耀。"

这就是佛陀所说。那些比丘听了佛陀的话，心满意足，欢喜信受。

第六《大法受持经》结束。

巴利语原版经文

MN.46/(6) Mahādhammasamādānasuttaṃ

　　 473. Evaṃ me sutaṃ– ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi– “bhikkhavo”ti. “Bhadante”ti te bhikkhū bhagavato paccassosuṃ. Bhagavā etadavoca– “yebhuyyena, bhikkhave, sattā evaṃkāmā evaṃchandā evaṃ-adhippāyā– ‘aho vata aniṭṭhā akantā amanāpā dhammā parihāyeyyuṃ, iṭṭhā kantā manāpā dhammā abhivaḍḍheyyun’ti. Tesaṃ, bhikkhave, sattānaṃ evaṃkāmānaṃ evaṃchandānaṃ evaṃ-adhippāyānaṃ aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti. Tatra tumhe, bhikkhave, kaṃ hetuṃ paccethā”ti? “Bhagavaṃmūlakā no, bhante, dhammā, bhagavaṃnettikā, bhagavaṃpaṭisaraṇā. Sādhu vata, bhante, bhagavantaññeva paṭibhātu etassa bhāsitassa attho; bhagavato sutvā bhikkhū dhāressantī”ti. “Tena hi, bhikkhave, suṇātha, sādhukaṃ manasi karotha, bhāsissāmī”ti. “Evaṃ, bhante”ti kho te bhikkhū bhagavato paccassosuṃ. Bhagavā etadavoca–

　　 474. “Idha, bhikkhave, assutavā puthujjano, ariyānaṃ adassāvī ariyadhammassa akovido ariyadhamme avinīto, sappurisānaṃ adassāvī sappurisadhammassa akovido sappurisadhamme avinīto, sevitabbe dhamme na jānāti asevitabbe dhamme na jānāti, bhajitabbe dhamme na jānāti abhajitabbe dhamme na jānāti. So sevitabbe dhamme ajānanto asevitabbe dhamme ajānanto, bhajitabbe dhamme ajānanto abhajitabbe dhamme ajānanto, asevitabbe dhamme sevati sevitabbe dhamme na sevati, abhajitabbe dhamme bhajati bhajitabbe dhamme na bhajati. Tassa asevitabbe dhamme sevato sevitabbe dhamme asevato, abhajitabbe dhamme bhajato bhajitabbe dhamme abhajato aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti. Taṃ kissa hetu? Evañhetaṃ, bhikkhave, hoti yathā taṃ aviddasuno.

　　 “Sutavā ca kho, bhikkhave, ariyasāvako, ariyānaṃ dassāvī ariyadhammassa kovido ariyadhamme suvinīto, sappurisānaṃ dassāvī sappurisadhammassa kovido sappurisadhamme suvinīto, sevitabbe dhamme jānāti asevitabbe dhamme jānāti, bhajitabbe dhamme jānāti abhajitabbe dhamme jānāti. So sevitabbe dhamme jānanto asevitabbe dhamme jānanto, bhajitabbe dhamme jānanto abhajitabbe dhamme jānanto, asevitabbe dhamme na sevati sevitabbe dhamme sevati, abhajitabbe dhamme na bhajati bhajitabbe dhamme bhajati. Tassa asevitabbe dhamme asevato sevitabbe dhamme sevato, abhajitabbe dhamme abhajato bhajitabbe dhamme bhajato, aniṭṭhā akantā amanāpā dhammā parihāyanti, iṭṭhā kantā manāpā dhammā abhivaḍḍhanti. Taṃ kissa hetu? Evañhetaṃ, bhikkhave, hoti yathā taṃ viddasuno.

　　 475. “Cattārimāni, bhikkhave, dhammasamādānāni. Katamāni cattāri? Atthi, bhikkhave, dhammasamādānaṃ paccuppannadukkhañceva āyatiñca dukkhavipākaṃ; atthi, bhikkhave, dhammasamādānaṃ paccuppannasukhaṃ āyatiṃ dukkhavipākaṃ; atthi, bhikkhave, dhammasamādānaṃ paccuppannadukkhaṃ āyatiṃ sukhavipākaṃ; atthi, bhikkhave, dhammasamādānaṃ paccuppannasukhañceva āyatiñca sukhavipākaṃ.

　　 476. “Tatra, bhikkhave, yamidaṃ dhammasamādānaṃ paccuppannadukkhañceva āyatiñca dukkhavipākaṃ, taṃ avidvā avijjāgato yathābhūtaṃ nappajānāti– ‘idaṃ kho dhammasamādānaṃ paccuppannadukkhañceva āyatiñca dukkhavipākan’ti. Taṃ avidvā avijjāgato yathābhūtaṃ appajānanto taṃ sevati, taṃ na parivajjeti. Tassa taṃ sevato, taṃ aparivajjayato, aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti. Taṃ kissa hetu? Evañhetaṃ, bhikkhave, hoti yathā taṃ aviddasuno.

　　 “Tatra, bhikkhave, yamidaṃ dhammasamādānaṃ paccuppannasukhaṃ āyatiṃ dukkhavipākaṃ taṃ avidvā avijjāgato yathābhūtaṃ nappajānāti– ‘idaṃ kho dhammasamādānaṃ paccuppannasukhaṃ āyatiṃ dukkhavipākan’ti. Taṃ avidvā avijjāgato yathābhūtaṃ appajānanto taṃ sevati, taṃ na parivajjeti. Tassa taṃ sevato, taṃ aparivajjayato, aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti. Taṃ kissa hetu? Evañhetaṃ, bhikkhave, hoti yathā taṃ aviddasuno.

　　 “Tatra bhikkhave, yamidaṃ dhammasamādānaṃ paccuppannadukkhaṃ āyatiṃ sukhavipākaṃ, taṃ avidvā avijjāgato yathābhūtaṃ nappajānāti– ‘idaṃ kho dhammasamādānaṃ paccuppannadukkhaṃ āyatiṃ sukhavipākan’ti. Taṃ avidvā avijjāgato yathābhūtaṃ appajānanto taṃ na sevati, taṃ parivajjeti. Tassa taṃ asevato, taṃ parivajjayato, aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti. Taṃ kissa hetu? Evañhetaṃ, bhikkhave, hoti yathā taṃ aviddasuno.

　　 “Tatra, bhikkhave, yamidaṃ dhammasamādānaṃ paccuppannasukhañceva āyatiñca sukhavipākaṃ, taṃ avidvā avijjāgato yathābhūtaṃ nappajānāti – ‘idaṃ kho dhammasamādānaṃ paccuppannasukhañceva āyatiñca sukhavipākan’ti. Taṃ avidvā avijjāgato yathābhūtaṃ appajānanto taṃ na sevati, taṃ parivajjeti. Tassa taṃ asevato, taṃ parivajjayato, aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti. Taṃ kissa hetu? Evañhetaṃ, bhikkhave, hoti yathā taṃ aviddasuno.

　　 477. “Tatra, bhikkhave, yamidaṃ dhammasamādānaṃ paccuppannadukkhañceva āyatiñca dukkhavipākaṃ taṃ vidvā vijjāgato yathābhūtaṃ pajānāti– ‘idaṃ kho dhammasamādānaṃ paccuppannadukkhañceva āyatiñca dukkhavipākan’ti. Taṃ vidvā vijjāgato yathābhūtaṃ pajānanto taṃ na sevati, taṃ parivajjeti. Tassa taṃ asevato, taṃ parivajjayato, aniṭṭhā akantā amanāpā dhammā parihāyanti, iṭṭhā kantā manāpā dhammā abhivaḍḍhanti. Taṃ kissa hetu? Evañhetaṃ, bhikkhave, hoti yathā taṃ viddasuno.

　　 “Tatra, bhikkhave, yamidaṃ dhammasamādānaṃ paccuppannasukhaṃ āyatiṃ dukkhavipākaṃ taṃ vidvā vijjāgato yathābhūtaṃ pajānāti– ‘idaṃ kho dhammasamādānaṃ paccuppannasukhaṃ āyatiṃ dukkhavipākan’ti. Taṃ vidvā vijjāgato yathābhūtaṃ pajānanto taṃ na sevati, taṃ parivajjeti. Tassa taṃ asevato, taṃ parivajjayato aniṭṭhā akantā amanāpā dhammā parihāyanti, iṭṭhā kantā manāpā dhammā abhivaḍḍhanti. Taṃ kissa hetu? Evañhetaṃ, bhikkhave, hoti yathā taṃ viddasuno.

　　 “Tatra bhikkhave, yamidaṃ dhammasamādānaṃ paccuppannadukkhaṃ āyatiṃ sukhavipākaṃ taṃ vidvā vijjāgato yathābhūtaṃ pajānāti– ‘idaṃ kho dhammasamādānaṃ paccuppannadukkhaṃ āyatiṃ sukhavipākan’ti. Taṃ vidvā vijjāgato yathābhūtaṃ pajānanto taṃ sevati, taṃ na parivajjeti. Tassa taṃ sevato, taṃ aparivajjayato, aniṭṭhā akantā amanāpā dhammā parihāyanti, iṭṭhā kantā manāpā dhammā abhivaḍḍhanti. Taṃ kissa hetu? Evañhetaṃ, bhikkhave, hoti yathā taṃ viddasuno.

　　 “Tatra, bhikkhave, yamidaṃ dhammasamādānaṃ paccuppannasukhañceva āyatiñca sukhavipākaṃ taṃ vidvā vijjāgato yathābhūtaṃ pajānāti– ‘idaṃ kho dhammasamādānaṃ paccuppannasukhañceva āyatiñca sukhavipākan’ti. Taṃ vidvā vijjāgato yathābhūtaṃ pajānanto taṃ sevati, taṃ na parivajjeti. Tassa taṃ sevato, taṃ aparivajjayato, aniṭṭhā akantā amanāpā dhammā parihāyanti, iṭṭhā kantā manāpā dhammā abhivaḍḍhanti. Taṃ kissa hetu? Evañhetaṃ, bhikkhave, hoti yathā taṃ viddasuno.

　　 478. “Katamañca bhikkhave, dhammasamādānaṃ paccuppannadukkhañceva āyatiñca dukkhavipākaṃ? Idha, bhikkhave, ekacco sahāpi dukkhena sahāpi domanassena pāṇātipātī hoti, pāṇātipātapaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena adinnādāyī hoti, adinnādānapaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena kāmesu micchācārī hoti, kāmesu micchācārapaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena musāvādī hoti, musāvādapaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena pisuṇavāco hoti, pisuṇavācāpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena pharusavāco hoti, pharusavācāpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena samphappalāpī hoti, samphappalāpapaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena abhijjhālu hoti, abhijjhāpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena byāpannacitto hoti, byāpādapaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena micchādiṭṭhi hoti, micchādiṭṭhipaccayā ca dukkhaṃ domanassaṃ paṭisaṃvedeti. So kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Idaṃ vuccati, bhikkhave, dhammasamādānaṃ paccuppannadukkhañceva āyatiñca dukkhavipākaṃ.

　　 479. “Katamañca, bhikkhave, dhammasamādānaṃ paccuppannasukhaṃ āyatiṃ dukkhavipākaṃ? Idha, bhikkhave, ekacco sahāpi sukhena sahāpi somanassena pāṇātipātī hoti, pāṇātipātapaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena adinnādāyī hoti, adinnādānapaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena kāmesumicchācārī hoti, kāmesumicchācārapaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena musāvādī hoti, musāvādapaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena pisuṇavāco hoti, pisuṇavācāpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena pharusavāco hoti, pharusavācāpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena samphappalāpī hoti, samphappalāpapaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena abhijjhālu hoti, abhijjhāpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena byāpannacitto hoti, byāpādapaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena micchādiṭṭhi hoti, micchādiṭṭhipaccayā ca sukhaṃ somanassaṃ paṭisaṃvedeti. So kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Idaṃ vuccati, bhikkhave, dhammasamādānaṃ paccuppannasukhaṃ āyatiṃ dukkhavipākaṃ.

　　 480. “Katamañca, bhikkhave, dhammasamādānaṃ paccuppannadukkhaṃ āyatiṃ sukhavipākaṃ? Idha, bhikkhave, ekacco sahāpi dukkhena sahāpi domanassena pāṇātipātā paṭivirato hoti, pāṇātipātā veramaṇīpaccayā ca dukkhaṃ domanassaṃ paṭisaṃvedeti sahāpi dukkhena sahāpi domanassena adinnādānā paṭivirato hoti, adinnādānā veramaṇīpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena kāmesumicchācārā paṭivirato hoti, kāmesumicchācārā veramaṇīpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena musāvādā paṭivirato hoti, musāvādā veramaṇīpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena pisuṇāya vācāya paṭivirato hoti pisuṇāya vācāya veramaṇīpaccayā ca dukkhaṃ domanassaṃ paṭisaṃvedeti sahāpi dukkhena sahāpi domanassena pharusāya vācāya paṭivirato hoti, pharusāya vācāya veramaṇīpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena samphappalāpā paṭivirato hoti, samphappalāpā veramaṇīpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena anabhijjhālu hoti, anabhijjhāpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena abyāpannacitto hoti, abyāpādapaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena sammādiṭṭhi hoti, sammādiṭṭhipaccayā ca dukkhaṃ domanassaṃ paṭisaṃvedeti. So kāyassa bhedā paraṃ maraṇā sugatiṃ saggaṃ lokaṃ upapajjati. Idaṃ vuccati, bhikkhave, dhammasamādānaṃ paccuppannadukkhaṃ āyatiṃ sukhavipākaṃ.

　　 481. “Katamañca, bhikkhave, dhammasamādānaṃ paccuppannasukhañceva āyatiñca sukhavipākaṃ? Idha, bhikkhave, ekacco sahāpi sukhena sahāpi somanassena pāṇātipātā paṭivirato hoti, pāṇātipātā veramaṇīpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena adinnādānā paṭivirato hoti, adinnādānā veramaṇīpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena kāmesumicchācārā paṭivirato hoti, kāmesumicchācārā veramaṇīpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena musāvādā paṭivirato hoti, musāvādā veramaṇīpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena pisuṇāya vācāya paṭivirato hoti, pisuṇāya vācāya veramaṇīpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena pharusāya vācāya paṭivirato hoti, pharusāya vācāya veramaṇīpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena samphappalāpā paṭivirato hoti, samphappalāpā veramaṇīpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena anabhijjhālu hoti, anabhijjhāpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena abyāpannacitto hoti, abyāpādapaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena sammādiṭṭhi hoti, sammādiṭṭhipaccayā ca sukhaṃ somanassaṃ paṭisaṃvedeti. So kāyassa bhedā paraṃ maraṇā sugatiṃ saggaṃ lokaṃ upapajjati. Idaṃ, vuccati, bhikkhave, dhammasamādānaṃ paccuppannasukhañceva āyatiñca sukhavipākaṃ. Imāni kho, bhikkhave, cattāri dhammasamādānāni.

　　 482. “Seyyathāpi, bhikkhave, tittakālābu visena saṃsaṭṭho. Atha puriso āgaccheyya jīvitukāmo amaritukāmo sukhakāmo dukkhappaṭikūlo. Tamenaṃ evaṃ vadeyyuṃ– ‘ambho purisa, ayaṃ tittakālābu visena saṃsaṭṭho, sace ākaṅkhasi piva. Tassa te pivato ceva nacchādessati vaṇṇenapi gandhenapi rasenapi, pivitvā ca pana maraṇaṃ vā nigacchasi maraṇamattaṃ vā dukkhan’ti. So taṃ appaṭisaṅkhāya piveyya, nappaṭinissajjeyya. Tassa taṃ pivato ceva nacchādeyya vaṇṇenapi gandhenapi rasenapi, pivitvā ca pana maraṇaṃ vā nigaccheyya maraṇamattaṃ vā dukkhaṃ. Tathūpamāhaṃ, bhikkhave, imaṃ dhammasamādānaṃ vadāmi, yamidaṃ dhammasamādānaṃ paccuppannadukkhañceva āyatiñca dukkhavipākaṃ.

　　 483. “Seyyathāpi, bhikkhave, āpānīyakaṃso vaṇṇasampanno gandhasampanno rasasampanno. So ca kho visena saṃsaṭṭho. Atha puriso āgaccheyya jīvitukāmo amaritukāmo sukhakāmo dukkhappaṭikūlo. Tamenaṃ evaṃ vadeyyuṃ– ‘ambho purisa, ayaṃ āpānīyakaṃso vaṇṇasampanno gandhasampanno rasasampanno. So ca kho visena saṃsaṭṭho, sace ākaṅkhasi piva. Tassa te pivatohi kho chādessati vaṇṇenapi gandhenapi rasenapi, pivitvā ca pana maraṇaṃ vā nigacchasi maraṇamattaṃ vā dukkhan’ti. So taṃ appaṭisaṅkhāya piveyya, nappaṭinissajjeyya. Tassa taṃ pivatohi kho chādeyya vaṇṇenapi gandhenapi rasenapi, pivitvā ca pana maraṇaṃ vā nigaccheyya maraṇamattaṃ vā dukkhaṃ. Tathūpamāhaṃ, bhikkhave, imaṃ dhammasamādānaṃ vadāmi, yamidaṃ dhammasamādānaṃ paccuppannasukhaṃ āyatiṃ dukkhavipākaṃ.

　　 484. “Seyyathāpi, bhikkhave, pūtimuttaṃ nānābhesajjehi saṃsaṭṭhaṃ. Atha puriso āgaccheyya paṇḍukarogī. Tamenaṃ evaṃ vadeyyuṃ– ‘ambho purisa, idaṃ pūtimuttaṃ nānābhesajjehi saṃsaṭṭhaṃ, sace ākaṅkhasi piva. Tassa te pivatohi kho nacchādessati vaṇṇenapi gandhenapi rasenapi, pivitvā ca pana sukhī bhavissasī’ti. So taṃ paṭisaṅkhāya piveyya, nappaṭinissajjeyya. Tassa taṃ pivatohi kho nacchādeyya vaṇṇenapi gandhenapi rasenapi, pivitvā ca pana sukhī assa. Tathūpamāhaṃ, bhikkhave, imaṃ dhammasamādānaṃ vadāmi, yamidaṃ dhammasamādānaṃ paccuppannadukkhaṃ āyatiṃ sukhavipākaṃ.

　　 485. “Seyyathāpi, bhikkhave, dadhi ca madhu ca sappi ca phāṇitañca ekajjhaṃ saṃsaṭṭhaṃ. Atha puriso āgaccheyya lohitapakkhandiko. Tamenaṃ evaṃ vadeyyuṃ– ‘ambho purisa, idaṃ dadhiṃ ca madhuṃ ca sappiṃ ca phāṇitañca ekajjhaṃ saṃsaṭṭhaṃ, sace ākaṅkhasi piva. Tassa te pivato ceva chādessati vaṇṇenapi gandhenapi rasenapi, pivitvā ca pana sukhī bhavissasī’ti. So taṃ paṭisaṅkhāya piveyya, nappaṭinissajjeyya. Tassa taṃ pivato ceva chādeyya vaṇṇenapi gandhenapi rasenapi, pivitvā ca pana sukhī assa. Tathūpamāhaṃ, bhikkhave, imaṃ dhammasamādānaṃ vadāmi, yamidaṃ dhammasamādānaṃ paccuppannasukhañceva āyatiñca sukhavipākaṃ.

　　 486. “Seyyathāpi, bhikkhave, vassānaṃ pacchime māse saradasamaye viddhe vigatavalāhake deve ādicco nabhaṃ abbhussakkamāno sabbaṃ ākāsagataṃ tamagataṃ abhivihacca bhāsate ca tapate ca virocate ca; evameva kho, bhikkhave, yamidaṃ dhammasamādānaṃ paccuppannasukhañceva āyatiñca sukhavipākaṃ tadaññe puthusamaṇabrāhmaṇaparappavāde abhivihacca bhāsate ca tapate ca virocate cā”ti.

　　 Idamavoca bhagavā. Attamanā te bhikkhū bhagavato bhāsitaṃ abhinandunti.

　　 Mahādhammasamādānasuttaṃ niṭṭhitaṃ chaṭṭhaṃ.